مساحة إعلانية
ياما معاكم جدع
وانتو كسرتولي ضهري
ضرس الصحاب اتخلع
وقلبي مات من بدري
خنتو العيش الي ما بينا
متمرش فيكو جدعنه
صحابنا ليه بتقتلنا
راحت فين المرجالة
انتو النسوان تمامكو
يا شلة مرشدين
الحرمة بتجننكو
ولبعض مش سالكين
ع فين هتروحو مني
دي الدنيا اوضه وصالة
اتخنكو مش شاغلني
يا عيال شمال بطالة
كتبتلي الدنيا اعيش
مابين بشر قتالة
مع ناس مبتسميش
مشاعرهم ف الزبالة
موت قلبك وجرح
اقسي متتوصاش
قلبك ما هوا ياما فرح
واتباع اهوه ببلاش
غلو مني وقيدو نار
مهما يحصل مش شاغلني
يالي ماليكو الصفار
احذروني وخافو من جني
تعبت انا دوقت المر
وشوفت الذل ف ايامي
الناس ليه بتتنفس شر
وكله بياكل ف التاني
واقف ع ارضي ثابت
ولا جيش بيهزني
ابطال ع ايدي تابت
قدامي بتنتني
مرحب بالي يعاديني
اهلا يابا بالمشاكل
ولا حد هيعديني
ولا حد معايا ياكل
لسه الحساب مفتوح
وحقي انا مش هسيبه
وطول مانا فيا روح
ده لو ف النار هجيبه
كلكلو السنه ع الفاضي
والنجم فيكم هلس
جيبو سيرتي ف ضهري عادي
لازم هديكو درس
ناقصين وكيفكو ندالة
والنقص مالوش علاج
هرفع ع الواتس حالة
للبشر انا مش محتاج
انا نفسي ف مرة افرح
قبل ما افارق الحياة
مابينكو انا ماليش مطرح
دي العيشة بينكو بلاء
التعليقات