مساحة إعلانية
ومن واحنا عيال .. وهى مجننانا
هى الاساس واجمد متعه في حياتنا
اصحاب وعيله .. ديما مجمعانا
سواء فى الشارع او حتى جوه بيتنا
احساسك لما تشجع فرقه وهى بتلعب
او لما تكون سخنان ومهيبر جوه الملعب
ديما مبسوط سواء بتخسر او بتكسب
مش فارقه بطوله او فوره .. كلنا بنحب الكوره
لو الماتش الديربى .. بيبقى حوار
لو منتخبنا .. نشعلل نار
تسمع مننا .. تشجيع جبار
من الحاره للمقصوره .. كلنا بنحب الكوره
عايشنها وبيها مجانين .. والساعه معاها بثانيه
وفى اي بطوله تشجيع ملايين .. جايين من كل الدنيا
لو الماتش الديربى .. بيبقى حوار
لو منتخبنا .. نشعلل نار
تسمع مننا .. تشجيع جبار
من الحاره للمقصوره .. كلنا بنحب الكوره
الكوره بالذات .. بالاثبات
بنموت فيها ولاد وبنات
لينا شعار .. لعبنا نار
مهما لاعبنا عيال تقيله .. بنأكلهم النجيله
الكوره بتسخنا .. بتخلي فينا طاقه كبيره
نسنتر .. نباصى .. نرزع
فى الجووووون
ترقيصه .. فى كوبري .. ايوه انا
فرعوووون
ايوه لعبنا حراق .. وكلامنا كلام كبار
لو مش عاجبك اللى قولته ابقى ارجع لل
VAR
عايشنها وبيها مجانين .. والساعه معاها بثانيه
وفى اي بطوله تشجيع ملايين .. جايين من كل الدنيا
لو الماتش الديربى .. بيبقى حوار
لو منتخبنا .. نشعلل نار
تسمع مننا .. تشجيع جبار
من الحاره للمقصوره .. كلنا بنحب الكوره
عايشنها وبيها مجانين .. والساعه معاها بثانيه
وفى اي بطوله تشجيع ملايين
من الحاره للمقصوره .. كلنا بنحب الكوره
التعليقات