كلمات اغنية محسن المرهون – وافي

من كثرْ ما كنتْ وافي وكنتْ شهمْ وحنونْ

حنّيتْ حتى على اللي خانكْ وضيعكْ

ياما مشتكْ الدروبْ وميّلتكْ الغصونْ

وَيَاما تحدّرتْ دمعٍ زاركْ ف مخدعكْ

وَيَا ما رفضتْ بقرارةْ قلبكْ أنك تكونْ

مخدوعْ، لكن تمدّ الكفّْ للي خدعكْ

ما خنتْ صاحبْ ولو حاولتْ يومٍ تخونْ

بيرد يوقفْ بوجهك أصلك ويمنعكْ

من كثر ما كنت وافي

*من كثرْ ما كنتْ وافي وكنتْ شهمْ وحنون

حنّيتْ حتى على اللي خانكْ وضيعكْ*

ومن كثر ما قلبكْ أبيضْ لو تمرّْ المزونْ

تحسبكْ منها -فيا لله- ما أنصعكْ!

ومن كثر ما أنتْ سامحتْ وطردتْ الظنونْ

لو هبّتْ رياحْ شكٍ فيكْ ما زعزعكْ

صادقْ ولو تكذبْ الدنيا عليكْ وتكونْ

ضدكْ، ولا يوقف إلا نبض قلبكْ معكْ

مثل (الألفْ) في إبائك تنحني مثل (نونْ)

وتحنّْ حتى على اللي خانكْ وضيعكْ

من كثر ما كنت وافي

*من كثرْ ما كنتْ وافي وكنتْ شهمْ وحنونْ

حنّيتْ حتى على اللي خانكْ وضيعكْ*

عبدالوهاب ابو زيد