مساحة إعلانية
منيش ايوب
انا انسان بسيط جدا وكلي عيوب
مليش ف الحلم غير بكرا
وكام زكري
وصوت مكتوم
قوليلي منين
هجيب الصبر ف سبيلك
وارتلك ترانيمك
وانا مهموم
الوم نفسي اللي بتحبك
ولا بس مين اللوم
ملهوش لزوم
منا العاشق
وانا الكافر بصلواتك
وانا الي فطرت من ريقك
ف عز الصوم
وانا اللي عشان ميشوفكيش ف احلامه
كرهت النوم
وانا اللي حاولت اكون ليكي
كتاب مفتوح
فا شركتي الورق فيا
وسبتيني
جريح مدبوح
ماليش ديه
بتدوقيني المر خردل
وانا كنت شاريلك هديه
ورغم البعد بتحمل
وبكتم جوة قلبي البوح
وبشتاقلك حلاوة روح
واسبح حب من عطرك
منين ما بروح
يا لعنه عشق صايباني
ورافضه تروح
بحبك حب عمياني
بحبك حب صبياني
كاننا عيلين عاشقين
بيفرحوا لما يتشاقوا
ويتمنوا ويشتاقوا
ويتفارقوا ويتلاقوا
زي طير ساكن سطوح
ليه كلام الحلق كاتم كل بوح
والسنين اللي ما بينا
زي صخر من الجليد
بس حتما يوم يدوب
متقله ظهري بصبرك
ومشيلاني ف الزنوب
وانا مش ايوب
انا مش ايوب
انا المعيوب
انا اللي عليهم المغضوب
وانا اللي ع الخشب مصلوب
وانا اللي حلمت اعيش فيكي
واتاري موتي ف عنيكي قدر مكتوب
انا المهموم
وانا المهزوم قصاد حصنك
قطفت الورده من غصنك
وكان حضني بيتمني
يطول حضنك
يدفيكي ف عز البرد
وف الاوجاع يشيل حزنك
يصليلك قيام اليل
ويرجع تاني يتوضاء
بتنهيده ما بين خصرك
وجيتلك
لجل ما اسلم
قتلتي فيا احساسي
امرتي كل حراسك
باعدامي
وانا مسلم ..
كفرتي ليه باسلامي
وانا اعزل
القتل حلاا في وطني مادام القاتل لن يوسأل
امرتيهم يغموني
انا راضي
لكنك ليه تغميني
سبيني اطل لعنيكي
عشان الطله لعنيكي ف عز الموت
بتحيني
امانه عليكي بعد الموت
ما تنسيني
انا اللي كان غالب ف حبك
وم الاوجاع صبح مغلوب
انا اللي كنت ببعتلك رسايل
واسمي فيها كان مشطوب
وانا اللي كنت بيكي صابر
مع اني مش ايوب
انا اللي بعت كل الناس عشان شعري
وعملت من دمع الصبايا قصايد
وانا اللي بيبقي جوايا
ف عز الفرح
مرار قايد
ابكاني
فراق البعض الاكي
لازلتي اليوم تو.بكيني
فدليني
سبيلاً
كيف انساكي
وأي سبيل يونسيني
واي سبيل ينسيني
انا المغلوب علي امره
انا اللي بكاب قصايد للحبيبه
فجأة بكتبها عشانك
وانا اللي يرويكي بدمه
يوم ما قالوا اني خانك
لكن صابر برغم بان الهوا فيا صبح مغلوب
برغم الكسره راح اصبر
انا رسول ف الغرام ليكي
منيش نبي منيش ايوب
التعليقات