كلمات اغنية محمد سلطان – ولاد لذينه

فى حاجات متبانش غير بعد مُـده

واللى وياك بكره تعرف هوه مين ده

الظروف بتغربل الناس وتساويها

والأصيل بس اللى تلقاه وقت شده

ابو قلب طيب فى الزمن ده بخته مايل

الدنيا جايه عليه وعامله فيه عمايل

حتى اللى منه اتخلوا عنه فى عز ضيقه

وفي الحقيقه الناس خلاص نسيوا الجمايل

ناس ولاد لذينه.. آه منهم .. ياما إتآذينا

وخانونا.. ومديناش خوانه.. آه يانا.. شبعه بعد جوع

ناس بتوع مصالح.. مفهومشى.. ياساتر حد صالح

واسامح.. لاء مش مسامح.. دا انا قلبى منهم موجوع

فى قايمه سوده كتبت كل الغدارين

رتبتهم حسب النداله بياعين

منهم لله اذونى الله يجازيهم

ربنا يقدرنى ارد الطاق طاقين

فى قلوب اعوذ بالله منها صفرا

فيها غل ونفسنه موجود بوفره

فرحانين ليه بظلمكوا وفاكرينها دايمه

دنيا فانيه فى ثانيه كل الناس مسافره