كلمات اغنية محمد عبده – ريم البراري

يـــا ريـم يـاللي في البــراري تـربّيــت

اعيــون المهـــا لـي لك بنظره اسحرّني

من زود مــا انا اهواك مصطاب ونّيت

ارمــوش لحظــك في الحشـا صوّبني

محتــار فكــري في ودادك ولا ريـــت

مثـلك ووصفك يالغـــــــلا شـــاغلـنــّي

يا مالكٍ للقــــلب لـك روحـي اعـــطيت

والله عجــب اعطـي الــــذي سالبــنّي

عاينت لك في الشمس صوره وظـنّيت

انـّك طلعت اتســير صـــوبي ابتـأني

وابرحت افكـّر في جـمالك وبشـّــــيت

باخصال حسـنك لــي تـفوق التـمنّي

حلـّقت باجنــاحات فكــــري وتعـــلّيت

في كــون حبـّي يـــا محـــبٍ فتــــنّي

يا حسـرتي من دون منــواي ردّيــــت

بين الخيـال وواقــــع الحــــــال فَنــّي

من شــّح مـــــا بك ماطر العين هـلّيت

ولا ريت من هو يمســـح الدمــع عـنّي

طيفك لزيمي في صحاتي وان اغفيت

وسلطـــان حسنــك في الهوى مالكنّي

ملكت عرش الحــب عنــــدي واقصيت

حــالي و حبــّك عنـــــــــوةٍ جابـــــرنّي

لولاك انا يا زين ما اشقيــت وامسيت

سهــــران ليــلي مـع هواجيس ظنــّي

ولولاك ما سطّـرت شعـــــــــــرٍ وغنّيت

بألحـان حـــبٍ طــــاب فيه التـــــغنّي

هذي القصـــــــايد صغتها لك ونقّيـت

جوهـــــــر قلايـــدها هدايــــــاك منّي