مساحة إعلانية
920x160
تواصل معنا
بعزقت من روحى
كام ألف حدوته
و طردت من قلبى
و شربت مع حلمى
كام قهوه مظبوطه
و صاحبت كام نوته
دندنتهم بليل
و عملت كام تعديل
لرساله مبعوته
و كتبت كام مرسال
بالدمع للأموات
و بدأت إمتى أموت
بالخوف من المسافات
يا ديرة الرحله
يا مكرره الحكايات
يا دايرة الوحده
مالك و مال الواد !
يا دفتر الأزمات
كل اللى فات مدوفع
إكتب عليا دموع
و حاسبنى عالنوته
و أنا راضى بالتقسيط
و بفايده زغروطه
و برغم إنى ماعيش
أدفع ديون بوحى
وزعت من روحى
100 ألف حدوته
التعليقات