مساحة إعلانية
عرفتك وأنا لسه صغير
ومكنش في بالي إن العمر قصير
ده انت عارفني أكتر ما أهلي عارفني
ومهما اتجنن كنت انت اللي فاهمني
وغريبة الدنيا وهى من غيرك
بس انا عارف إن هو ده الخير
وجديدة يا صاحبى الدنيا من غيرك
أنا عارف انك فى مكان أحلى بكتير
بس أنا هلف العالم كله عشانك
وهجرب كل حاجة حلوة بدالك
وهصليلك وف كل ثانية هدعيلك
إن ربنا يخليك مبسوط فى مكانك
وبذكرياتك وبنورك في قلبي
هتحضر فرحي وترقص جنبي
وابني هيكون اسمه على اسمك
هيعرف صورتك ويحفظ قصصك
ياما سهرنا وياما فرحنا
وواسينا بعض لما اتجرحنا
بيرن في ودني ضحكك وصوتك
مش قادر حتى امسح تليفونك
وياما هربنا وبعربيتك سافرنا
وياما في كلام الكورة اتخانقنا
دلوقتي أنا مجروح بخسارتك
ملحقتش أقولك إني قدرتك
بس أنا هلف العالم كله عشانك
وهجرب كل حاجة حلوة بدالك
وهصليلك وف كل ثانية هدعيلك
إن ربنا يخليك مبسوط فى مكانك
بس أنا هلف العالم كله عشانك
وهجرب كل حاجة حلوة بدالك
وهصليلك وف كل ثانية هدعيلك
إن ربنا يخليك مبسوط فى مكانك
وبذكرياتك وبنورك في قلبي
هتحضر فرحي وترقص جنبي
وابني هيكون اسمه على اسمك
هيعرف صورتك ويحفظ قصصك
مبسوط في مكانك
مبسوط في مكانك
التعليقات