مساحة إعلانية
من مسلسل القمر .. آخر الدنيا
ونسأل فين بقالنا كتير .. يارب يكون المانع خير
بنفتح باب ونقفل باب .. كأنك فص ملح وداب
ماحدش فينا نام مبسوط .. قلوبنا قلقانه
ندهنا كتير بعلو الصوت .. ياساكنه وعايشه جوانا
واهو حد لحد بيبعتني وبقول معلش
بمشي وبتلفت حواليا من وش لوش
وكأني بدور علي ابره ضايعه في كوم أش
هيحصلي حاجه ياناس .. طمنوني علي اللي غابت
دي كعوب رجليا خلاص .. من كتر اللف دابت
ياغايبه كتير تعبتيني .. يانن العين وحشتيني
ياحضن وقلب بيسيبني ويجري عليه
غريبه عجيبه تركيبة .. حنان مخلوط علي طيبة
واكتر حد في الدُنيا بفكر فيه
واهو حد لحد بيبعتني وبقول معلش
بمشي وبتلفت حواليا من وش لوش
وكأني بدور علي ابره ضايعه في كوم أش
ونسأل فين سألنا كتير .. يارب يكون المانع خير
بنفتح باب ونقفل باب .. كأنك فص ملح وداب
ماحدش فينا نام مبسوط .. حبيبتي قلوبنا قلقانه
ندهنا كتير بعلو الصوت .. ردي لو انتي سمعانا
التعليقات