مساحة إعلانية
920x160
تواصل معنا
كان الزمان و كان في دكانة بالفي
و بنيات و صبيان نيجي نلعب عالمي
يبقى حنا السكران قاعد خلف الدكان
بغني و تحزن بنت الجيران
أوعى تنسيني . أوعى تنسيني
و تذكري حنا السكران
نحنا و العصافير كنا بالحي ندور
صوب الدكان نطير حاملين غمار زهور
يبقى حنا السكران ملهي و على الحيطان
عم بيصور بنت الجيران
أوعى تنسيني . أوعى تنسيني
و تذكري حنا السكران
حلوة بنت الجيران راحت بليلة عيد
و انهدت الدكان و اتعمر بيت جديد
و بعدو حنا السكران على حيطان النسيان
عم بيصور بنت الجيران
أوعى تنسيني . أوعى تنسيني
و تذكري حنا السكران
كان الزمان و كان في دكانة بالفي
و بنيات و صبيان نيجي نلعب عالمي
يبقى حنا السكران قاعد خلف الدكان
بغني و تحزن بنت الجيران
أوعى تنسيني أوعى تنسيني
و تذكري حنا السكران
التعليقات