مساحة إعلانية
بكتب واسمع.. مش بكدب واصدق
مرمي ف مرمة.. سادد وسالكة
قافل السكة.. سادد وساكة
اجي في الشدة.. مجيش في سهلة
انزل وصلنا.. اسف سبقتك
ساحت في ايدي.. راحت في شدة
يا دنيا زيدي.. ثابت وصخرة
لا مش زميلي.. ماليش صنفك
مش جي م الارض ولا جي من فوق
شربت عكر بس ثانية هفوق
عارف السكة بس لسه بتوه
عيني عالسقط بس لسه بشوف
جوا دماغي دراويش بتطوف
زي شيطاني حواليا تحوم
دايرة تلف ومش بتدوم
كل ما اسيب بتسيبلي سموم
وانا مين يا طبيب يداويني
نسيني همي ورسيني
بشرب م السم ليلاتي
في كاسات ميل واسقيني
ويا عيني يا شابة.. جت بالمشاغبة
شوفت المشقة.. شيلت المشنة
شكيت مش انا.. دا شيطان وشبهك
دا شاش وشمع.. طلسم وشقى
ولا بنقدر
كله بييجي فالجيم يتأندر
تجيلي وتقولي اخوك مش صاحبك
لا بتهزر...على مين ياسطى؟
لا انت زميلي ولا حتى تحصل
ببعد عنكوا عشان مش هنقص
ابعد عني عشان مش ناقصة
كله فقير مش عاجبه المنظر
وانا.... مش عندي كتير
بس اديك على قد الفيل
فوق يا زميلي كلكو هلاهيل
بتفييدوا وانا طول عمري بفيد
تاخدوا وراكوا الباب بالدور
وارحم ودني الله يخليك
مش هتحصل مهما تدور
احسن من مين ربنا يشفيك
التعليقات