كلمات اغنية ميري – فاصل

مفيش جوايا حاجة عايز اقولها لاي حد

مش بحاول اني اهزر مش بحاول ابقي جد

عايز اريح عايز اتنح في الفضا حبة دقايق

يمكن افصل حبة وارجع بعدها فايق ورايق

مش بحاول اكون عميق عندي احساس اللاشيء

مش شاغلني مين عدوي بس كان عامل صديق

عايز اريح .. عايز اتنح

عايز اقعد مع نفسي واسرح

وافصل انا من اي حالة وبعدها هرجع و اواصل

عايز اغمض واما افتح ..عايز اقعد مع نفسي واسرح

وارجع احسن من زمان واكتر كمان

بس انا دلوقتي فااااااااصل

هما كام يوم بالكتير هبقي بعمل فيا خير

شوفت ياما سنين دراما عشان حجات متخصنيش

واللي يزعل بالسلامة ماحنا عيشنا لغيرنا ياما

لما ابطل اعيش لغيري يمكن اعرف بس اعيش

فاصل وهعود ... وارجع في المود محتاج ارتااااح

محتاج لهدوء محتاج ل برااااح

وارجع في المود وانا مش مشدود