مساحة إعلانية
920x160
تواصل معنا
بتذكر يا قلبي لمّا كنّا صغار
كيف كنّا ننوجع ونغار
ومرّت الايام عالايام
الحلوين كبروا ونحنا صرنا كبار
بتذكر يا قلبي هاك المغرورة
كيف تبقى تقّطف زهورا
ومعّرش الزنبق على سورا
وتضل تتمخطر ع باب الدار
بتذكر يا قلبي حكاية المكتوب
كيف ردتو كيف كنت رح بتدوب
ولمّا تعاتبنا بهاك الزاروب
راق الهوى والليل جن وطار
كبرو يا قلبي وكلنا كبرنا
وما عاد عنّا مين ينطرنا
شو عليه لو قعدنا تذكرنا
ذكر الصبا زوادة المشوار
التعليقات