مساحة إعلانية
كنت متمني ما يكون في حيطان بيناتنا
بس تغيّرت المدن فمين قال لساتنا ذاتنا
طلع الشيخ مو سانتا
في مرة واحد سادنا
خري عالشيب و لحقوا اجيالنا حرقوا جيابنا
كم قصة اندفنت
كم قصة ما وصلت
كم قسط لنصلح
كم نص لنكمل ؟
كان ناقص فعل و نحنا كنا نتوب لنزني
منخلق حاملين ذنوب ف منحني
صرنا بحاجة سطور لنحكي
اصلاً عالسطور عم نحبي
على السفن منركض عالموت عم نركب .. لنسكن
عم اكتب لآنس حالي و بعدين آنسكم
صرت عم شقشق بالورق
لا تصوب فردك لقدام في مين ح يدقّك من ورا
ياما دقينا صدورنا لداقت انفاسنا
ياما دورنا عبدائل بس مين سائل بناسنا
كنت مفكر الغربة يللي آكلة براسي
طلع بالأخير البلد يللي أكل شقف من راسنا
منزق حجار لنبني منزت حجار لنكسب دار
والكل نجوم و نحنا خبار ما منحكي
ما عنا ضهور لنحني
عتبات بيوتنا كسروها
اضطرونا نخلق تحت بيوتنا جندي نخلق تحت بيوتنا كذبة
نصدق انو يللي ماتوا ما ماتوا وهون بالجنة
ويللي ما مات ليكو متهني
هون بقول بدمنا دهني
قبل الغريب تع لوم ابن البلد يللي تهنا بدمي
لا تجرب تلومني
ان شفتني عم دور بنفس المطرح
ماسك بأيدي هالمايك عالمسرح ..
عم خاطبك عم حاول كل ما احكي اجي و ذكرك مين يللي الخابطك
و كيف تغير شكل الخارطة
بس شبنا منلحق بلا ما نخلق
كل ما شوف الجيل يللي بعدي بشوف قديش الحرب كبرتنا
الشي يللي منعني ابقى بالشام كان موت
موسيقانا ذاكرة مخلوعة
يمكن الذاكرة يللي دمرتنا
الأيام يللي زرعتا حصدتا شوك
فلا تلومني مو اناني
لو قادر بقطعلك ايديي سند بس حامل البلد و أنا ببلد تاني
خلقاني ما منعرف شي من الدنيا غير جلد ذات
ربيانين منكره الحياة
فحبيناها غصب لبقينا
ولاد الهزيمة و النصر
بقينا وسيلة الوصل
زادونا حمل و الحمل علينا بالأصل
رغم هيك ليكني واقف لو مو بأرضي و غير متّكي
خلينا نخبّي
لا مين شاف و لا مين دري .
أحلامنا صورة بس بدون برواز
حجارتكم ما بتصيب لو بيتونا ازاز
فليش لامن بأحلامكن الأحلام للناس
حابة اصحى
لما يبقى
هالوطن وسواس
والحلم بطيئ
وانا حلمي طير
أحلامنا صورة بس بدون برواز
حجارتكم ما بتصيب لو بيتونا ازاز
فليش لامن بأحلامكن الأحلام للناس
حابة اصحى
لما يبقى
هالوطن وسواس
والحلم بطيئ
وانا حلمي طير
التعليقات