مساحة إعلانية
كلام قليل بعدين نسهر لحد الفجرية
زرعة حب تكبر بينا مشاعر تدريجيا
متهور كالعادة عبرت عنها بحسن نية
مشاعر زي الطُعم و هي في ايديها السنارة
يوم ما ارميله حبة منها هيكون ليا رهن إشارة
لسان حالها لو سمعته كنت جريت فراراً
من حسن و سوء حظي شوفت منها ١٠٠ أمارة
رد بعد إسبوع نبرة بتتغير زي الدولار
ساعة تكوني ليا و ساعة اتغرب زي ما اكون في مطار
لقطة رومانسية عجبك إني بغني ليكي البار
لو أقرب شوية تبعديني و ارجع تاني محتار
عايزاني قريب و ساعات بعيد
عايزانا صحاب و ساعات إخوات
اللي جوايا ليكي بان أكيد
و انتي فاهمة قصدي من زمان
عايزة المشاعر عايزة المزيد
و في اي لحظة هتقولي سلام
عايزة اغاني عايزاني سجين
يرضي غرورك بالكلام
فجر ليلة مجهولة ، voice note مدته دقيقتين
قالتلي ابعد تماماً عني خلاص بديلك جيه
كل الكلام اتقال ، ماسمعتش ولا حاجة
بس فهمت إنها بتقولي خلاص مش محتجالك
قالتلي كلام من وحي خيالي
هعلقك بيا و هختفي
همشي بعيد و اقولك إنساني لو هتقول بتحبني
قولتلها إحساسي مات من زمان
ممكن تعتبري اللي قولته اوهام
دبلت الزرعة أوام، تحتيها الغام و أنا أخترت الأمان
مسافة بتكبر و صورتك بتصغر في عنيا هي دي اعراض انسحاب
يا ابيض يا اسود تحبي الرمادي عايزاني تملي موارب الباب
اخترتي السكات قطعتي العلاقة و انا فاهم ايه الاسباب
شديتي الخط ما بينا في الوقت اللي عجبك قلبتي الحقيقة سراب
ولما مشيت ، الصورة بقت واضحة
لو سألتيني قصدك ايه عمري ما هشرح
يمكن موهوم ، يمكن كانت غلطة
إجابة عندك و السور عالي مش هقرب
التعليقات