نزلت من البيت وأمها
داعيلها رايحه المدرسة
راسمه صور تملا الحياة
وبحلمها متونسه
ماشيه ف طريقها إتعرضت
لإهانة تسلب حقها
من يومها صاينه نفسها
مش حقة يخدش عرضها
بصت تدور ف العيون
يمكن تلاقي فيهم معين
إتحيرت هتروح لفين
وفين شبابنا الطيبين
صرختها صخرة في قلبها
مش عارفه ليه إتعرضلها
شافت في عين الناس كلام
كان جرحه أقوى من السهام
ولوم عليها ولبسها
صدمتها إحساسها بعار
جواها بركان خوف و نار
والإختيار هو القرار
يا تعيش في ذل و إنكسار
يا تثور و تغلب كبتها
من غير أمان إزاي تعيش
بجرح إحساس هزها
من غير أمان إزاي هتسكن
جوه قصر ف حلمها
لازم حتنطق مهما كان
في النور حيرجع حقها
.........
إوعي سكوتك يمنعك
و يزلزلك و يقيدك
إنك تنادي وتنطقي
والمجتمع لو كتِّفك
ثقتك في نفسك رد فعلك مقفك
خليكي صرخه كل بنت حتفرقي
التعليقات