كلمات اغنية نيون – بادروم 4

كلمات اغنية نيون – بادروم 4 مكتوبة

ازيك انا زيك واسمى نيون

من سنة فاتت كنت فى نفس البادروم

حاجات كتيرة اتغيرت ومنهم انت

لكن نفس الاماكن ونفس الرسوم

مش مفهوم

التراك ده عملته مره

الناس بتشوفها زي الغلاف من بره

ممنوع تتكلم وممنوع تقرب

ممنوع تتألم او ممنوع تتصرف

فار تجارب بيموته الكسل

الوضع غالب من ايام المدرسة

عبدالله شاطر لكن عبدالله ده انتهى

لو كان بيصلى كان صلى وقتها

وهكذا

الايام بتمر سنين بتكر

ماشي فى ساقية عبارة عن طوابير من الظلم

فضل يحاول ان يجمع انا مع الكل

وده الى رماك على المر

فمش ناقصه

سيبهم محدش ملاحظك

شوفت العالم فى اخر رقصه

فضلت اموت قبل مخسر

تحب تسيب ملاحظة ؟

ال يعنى كان العالم ناقصك

مبحبش الوداع

فهمشى الطريق الأقصر

تماثيل بيمثلوا البنى ادمين

الدم الى بيجرى ده نيكوتين

عاملين فاهمين ومش فاهمين

رسالة ايه الى انت بتوصلها اعمل تراك حزين

اصل الواقع مش سعيد

ومتقوليش الامل والكلام الى لا بيودى ولا بيجيب

قسمة ونصيب ولا القدر مصير

احنا استحملنا حاجات كتير

فمش ناقص انك تقولى فى كلام

بنى ادمين غير صالحين للاستخدام

متعلقين زي الفشل ع الشماعه

فبنضطر اننا نهرب من الواقع للاحلام

مدمنين مسكنات

هفضل اطلع كل الخره الى جوايا فى تراكات

لحد مزهق من العالم او اتعب من الكتابه

فهضطر اخش انام

فمش ناقصه

سيبهم محدش ملاحظك

شوفت العالم فى اخر رقصه

فضلت اموت قبل مخسر

تحب تسيب ملاحظه ؟

ال يعنى كان العالم ناقصك

مبحبش الوداع

فهمشى الطريق الاقصر


التعليقات


اغاني مشابهة