كان يا مكان ما ضل بي مكان كان
كان اكو دولة عل خريطة و يسكنها انسان
وهسا نفس الدولة صار يحكمها الف فاسد
ثمنطعش سنة ولي هسا اسمع بغداد تناشد
منو الكان متوقع منو البينة تنبئ
راح اشرحلك الموضوع بسطرين والخلاصة
العالم كله يصحة على اصوات المنبه
وانا اصحة على رشت اصوات الرصاصة
انفجارت يومية و العدد ماينحسب
والكل يدري منو الجان و الي كان السبب
انتا تخابر حتا تحجز طيارة وكيت
احنة كل يوم نخابر و نصلح جامات البيت
والي مات و الي انخطف والي محد عنه داري
ولا صديقي الاستشهد والسبب ب طلق ناري
فكرت اهاجر و كلشي اعوف
كالو المستقبل بدراسة و خل نشوف
هذا وضعي اليوم تذكرني ولا بعدك ناسي
ممجمل حجي هاذا كله اشوفة واقع قاسي
ثورة تشرين و خلصت والناس عيشتها ابصت
هسا مجبور لنه كوه فاسي طاح براسي
هذا وضعي اليوم تذكرني ولا بعدك ناسي
ممجمل حجي هاذا كله اشوفة واقع قاسي
ثورة تشرين و خلصت والناس عيشتها ابصت
هسا مجبور لنه كوه فاسي طاح براسي
اتخرجت سادس و المستقبل فتح زون
لاكن مستقبلي اختصر بفرن الصمون
انتا شايف دولة ؟ و انا شايف حبس
طلعت الشهادة حرفيا متوكل بس الخبز
اليجبرني ابقى كالولي نبني وطن
واصغر واحد بيهم طلع كرش بجيبة بطن
روحو انتخبو الي عدلها و الدعوة عامة
سنين نحجي وهسا نتخبو هم نفس العمامة
شو كالو سبعة بسبعة و الارواح دطير
بشرونة شوكت تخلص مسرحية نهب الفقير
كبل هناك و هسا هنا منو السانة خانة
بوك الشعب اكثر و نسلمك كرسي و حصانة
كلها تفتي جذب والمشكلة فكرعقيم
جنت سامع بس مو شايف كيف تكون الجحيم
تذبح ولا تكتل لجل كم شبر باقليم
يوم تشوف ابوي شتكلة هايا دعوة كل يتيم
هذا وضعي اليوم تذكرني ولا بعدك ناسي
ممجمل حجي هاذا كله اشوفة واقع قاسي
ثورة تشرين و خلصت والناس عيشتها ابصت
هسا مجبور لنه كوه فاسي طاح براسي
هذا وضعي اليوم تذكرني ولا بعدك ناسي
ممجمل حجي هاذا كله اشوفة واقع قاسي
ثورة تشرين و خلصت والناس عيشتها ابصت
هسا مجبور لنه كوه فاسي طاح براسي
التعليقات