كلمات اغنية مصطفى سيد أحمد – الحزن النبيل

بقيت اغنى عليك غناوى الحسرة والاسف الطويل

عشان اجيب ليك الفرح رضيان مشيت بالمستحيل

ومعاكى فى اخر المدى سيبتينى يا هجعت مواعيدى القبيل بعتينى لى حكم الاسى

سيبتينى لى الحزن النبيل

ومشيت معاك كل الخطاوى الممكنه

بقدر ليها وبعرفها

اوفيت وما قصرت فى حقك ولا كان حرفه غيرك اصادفها

قدر هواكى يجيبنى ليك

جمع قلوبنا ولفها

وكتين تجينى معايا فى اعماقى فى اعماق مشاعرى المرهفة

لا منك ابتدت الظروف ولا بيكى انتهت الامانى المترفة

ندمان انا ابدا وحاتك عمرى ماشلت الندم

ندمان انا عمرى ماشلت الندم وانا عندى

ليك كان الفرح رغم احتمالى اساكى يا جرح الالم

ندمان انا ابدا وحاتك عمرى ماشلت الندم

انا خوفى منك جايى من لهفة خطاك على المواعيد الوهم

اها نحن فى الاخر سوى باعنا الهوى ماشين على سكة عدم

وبقيت اغنى عليك غناوى الحسرة والاسف الطويل