كلمات : احمد حسن راؤول
الحان : احمد حسن
توزيع : احمد الموجي
انتاج :مايكل مورجان _قناة القاهرة والناس _برنامج النبض الامريكي
جوه منك حلم ممكن يبقي مش باين اوي
وانت تايهه بين حاجات وعايشها بدماغ فهلوي
عايش بتلعن فى الظروف مع ناس هدفها تكون كده
ناس قاصدة تبقي موقفاك مش عايزه تبقى ف يوم قوي
شوف واقرا فى كتاب التاريخ عمرك ماكنت فى يوم غبي
دانت اللي علمت البشر شوف عاش ف ارضك كام نبي
فى ناس بتكره لو تفكر نفسهم فكرك يقف
عقدة خواجه بيخلقوها وبيبهروك بالاجنبي
الحكاية مش بلون وشكل وهدوم
الحكاية انك قوي رغم الهموم
طلع البطل اللي جواك يلا قوم
انت تقدر تظبط الاحوال دي ظبط
بالنكته بنقابل ظروف من غيرها كنا هانتعصر
والطيبة فينا مأصلة وعادات لايمكن تتكسر
بيحاولوا دايما يقتلوا الحاجه اللي تميزك
شوف كام سنه م الاحتلال وانت اللي طبعك ينتصر
بيفرقونا فى الظروف والناس بقت متعودة
مستنين دايما بطل يجي يغير كل ده
طب ليه ماتبقاش البطل وانت اللي نتسند عليك
ماتقولش صعب ارجع وشوف ابطال تاريخ الكون كده
الحكاية مش بلون وشكل وهدوم
الحكايه انك قوي رغم الهموم
طلع البطل اللي جواك يلا قوم
انت تقدر تظبط الاحوال دي ظبط
التعليقات