تتذكري يوم كنّا صغار
منلعب بالحارة ع باب الدار
بتتذكري قبال الدكّان
بنينا ملعب كله حجار
بتتذكري كيف كان الصيف
بوظة نعنوع تحت هالشجرات
وشجرة المشمش إلي قبال البيت
قلبت من فوقها زي الحمار
كلشي بعيوني ذكرى مزروعه صورتك فيه
والليل إجى وأخذني لمكان ما كنتي فيه
ضليت أنا أحكي لحالي عن بكرا شو رح يصير
والموج إنمد بعقلي معقول يكون آخر زفير
ويمكن مافي بكرا نعيشه ونتذكّر ذكريات
يمكن مافي بكرا نعيده ونعوّض إلّي فات
أسامح أو أتسامح بهالدنيا كلشي رايح
أعبّر عن مشاعر خلتني بالسماء طاير
نرجع للموضوع
بتتذكري يوم صرنا كبار وقلتيلي بحبك ويومها إنجنّيت
وقلتلّك بحبك من وإحنا صغار ولمّا بردتي إنعزّيتي بجاكيت
ضليت سنة غافي معك عالخط وبأول عريس حبنا كله مشى
بعثتيلي كرت وعرسك كان عالشّط
بس سبب جيتي هي عشان العشاء
كلشي بعيوني ذكرى مزروعه صورتك فيه
والليل إجى وأخذني لمكان ما كنتي فيه
ضليت أنا أحكي لحالي عن بكرا شو رح يصير
والموج إنمد بعقلي معقول يكون آخر زفير
ويمكن مافي بكرا
ويمكن مافي بكرا نعيشه ونتذكّر ذكريات
يمكن مافي بكرا نعيده ونعوّض إلّي فات
أسامح أو أتسامح بهالدنيا كلشي رايح
أعبّر عن مشاعر خلتني بالسماء طاير
وهاي هي كل القصّة
التعليقات