كلمات اغنية أبو الأنوار – شواكيش

مراحل تطور بتطول، بس يوماتي بتعلم إن رجلي اللي تشيلني

فيه fan بيتكلم من غير ما يسمعني وعلى النت يحلو ويعيبني

فيه فن بيتقدم وطالع من مصر الجديدة بس واصل لسيدني

جيبي مادياً آه فارغ بس شايل فيه طبنجة ٩ ملي

مساءك ياض زفت، أنا جيتلك زي دورك

طلع يا بأف كدا سيرتي من زورك

نشيّلكوا أتة، وبيكوا نتغدى

إنتوا شباب على الأبيض زي مناديل فلورا

مكسيكي أنا عامل الغلط والنوش

ناوي إني أعمل مصيبة في الحوش

وعارف إن أنا وإنت والزمن ما بينا، هجنك وأخليك تتروش

هيرد عليا بستوري يموتنا من الضحك، هخفيلك فانزك، دا سحر

غالباً دا باد تريب وإنت سحت، تجار حرام، بجد ياض كافحت

بندلع مجالكوا تراكات، مكسيك على السحاب

على الأرض وفي الواقع إحنا ملوك الساحات

لو ونش هنشيلك، نسوق كساحات

بنشك زي جيبك، مبروك يا شحات

فالأصفر التاني رَكّنه (أوه)

فنياً يا زميلي هدفنه

الشباب دي بلاستيك، ليه؟

بيتنوا

آوه، أنا طلقة في سباق سلاحف

أو أنا أسد في خناق خنافس

آوه، وللأسف هبقى مش آسف

دي المكسيك، دقوا المراسم

إحنا بايتين على القمة وأعدائنا ما تجيش

نغني الكل يرقص، لو غنيت إنت تطفيش

زميلي إنت نص نص أو أصلاً مافيش

هتروّح مش شايف، واخد شواكيش

شنة ورنة، معاكو نور مجالنا

وشي بوستر، يا أخي قول مجلة

باراتي كتير، يجي طول مسلة

فكك من الراب، إنت تدوس في السلة

وأنا أدوس شباك عشان أبقي نجم

يسترها من عينكوا لا ندخل السجن

يا زميلي بطلها، خد حاجتك وهج

مش هنشوط فيكوا ونديكوا بالرجل

هناخد راحتنا ونبرطع

بنخش بالفيزا بنبضع

بنشاور للهيترز ونصبح

مزيكتك يا زميلي بتصدع

عربية خربانة فين مكانتك

رخص معايا، جيت ركنتك

مش بيبحب الأعياد وإنتوا عارفين ليه

ما بيطيقش الكريسماس عشان فيه سانتا

وواضح هنا في غزارة إنتاج

هسحل الفيل، أنا ساحل العاج

بابا على البيت، فبيتاتكوا دي Lag

تريند في التاني، المكسيك إحتلال

هبقى المركز الأول والتاني والتالت

والرابع قدام فمش لازم أستعجل

المهم إني أطلع كسبان كل ماتش

أما الباقي دا سهل، أما أغني أنا بعجب

إحنا بايتين على القمة وأعدائنا ما تجيش

نغني الكل يرقص، لو غنيت إنت تطفيش

زميلي إنت نص نص أو أصلاً مافيش

هتروّح مش شايف، واخد شواكيش