عارفة
مش عارف ليه
متونس بيكي وكأنك من دمي
على راحتي معاكي وكأنك أمي
مش عارف ليه
***
عارفة
حاسس إني لأول مرة بشوفك
وإني بشوفك من أول لحظة ف عمري
حاسس إني يمامة بتشرب ف كفوفك
وانك شجرة وضلة وميه بتجري
***
عارفة
فرحة كبيرة وصوت مزيكا ف قلبي
وكأننا حبيبين اتقابلوا بعد فراق
ليه فجأة بقيت مستني لوحدي
بدي اتكلم وأحكيلك واشكيلك همي
***
عارفة
وأنا وياكي بحس بدنيا.. دنيا سلام وأمان
وإن العالم مفيهوش ولا نقطة أحزان
إيدك خليها ف إيدي.. انا طفل كبير
وبحس ان أنا وانتي لوحدينا والكون بستان
التعليقات