كلمات اغنية أخوية طلائع العذراء – بحقلة بيّي كرّام – 2023

رجعنا نمشي بالطليعة، رجعنا بقلب العتمة نور

نداوي القلوب الموجوعة، حتّى تزهّر أرض البور

بأوّل ايد عم إحمُل مشعل، نارو بتحقّق أحلام

وبإيدي التانية في معول، بِحقلة بيّي كرّام (٢)

يلّا يا طلائع يلّا مع بعض منمشي الطريق

حتّى نملّي الدنيي كلّا حتّى الدنيي فينا تضيق (٢)

ننكش نزرع نسقي نحصد، نتعب تنبني إنسان

مسيحي مُرسل وبيقصد، يثبت بقلب البنيان

والبنيان كنيسة تعبّي بقلبي حبّ وغرام

وبدّا مِنّي أنّو ربّي بِحقلة بيّي كرّام (٢)

يلّا يا طلائع يلّا مع بعض منمشي الطريق

حتّى نملّي الدنيي كلّا حتّى الدنيي فينا تضيق (٢)