صباح الخير، إزّيّ الحال؟
يارب تكوني بخير، و حالك عال
بعد التحية وسلامات كتير
مشتاقلك أكتر من شروق الشمس
في عز الليل
أنا ع البحر قاعد وبكتبلك جواب
والشمس لسه طفل عاوز يحضن الأحباب
صباح الخير
ياتري جبتي الفستان اللي شفتيه؟
ولسه حنينة ع الزرع وبترويه؟
كل حاجة وحشة من غيرك اوي
في ضحكة ليكي مونساني، ووحشاني
لكن أمل ان احنا نتلاقى هنا تاني
انا شايفه زي الشمس دي
أنا ع البحر قاعد وبكتبلك جواب
والشمس لسه طفل عاوز يحضن الأحباب
صباح الخير
التعليقات