في زينة كثير
بكل زاوية، بكل زاروب
شي بيلمع، شي بيطير
شي معلق، شي مكبوب
في زينة كثير
بخيال الزينة، خيال الزمان
في ناس كمان حزينة كتير
عم بتضوي بكل الألوان
في زينة كتير
يمكن ما بتأذيني كتير
ضو بيطفي، ضو بيدور
ولاد حوله تركض وتدور
في زينة كتير
وقلوب طالع منها العمر
ملفوفة بورق وشرايط حمر
تنباع عالشارع بالدزينة
في زينة كتير
وعن حبك يمكن تغنيني
صورتك بتياب الشعنينة
لما جيت لتوصيني
فكر في وما تنساني
ونسيتك عكثرة التفكير
أنت بقلبي الزينة، وبعدك أنت الوحيد
ياللي فيك تواسيني، كل ما يخلص العيد
ويجي موسم ثاني، موسم يقطع ويعيد
مطلع ذات الأغاني اللي حليناها سوا عالترديد
بعدك أنت الزينة، وبعده وهجك بيزيد
بتضوي لتدفيني، لما أحس حالي وحيد
ناطر تجي تهنيني تأخذني بموسم جديد
نروح نتفرج عالزينة ونقول، "شكله السنة في زينة كتير"
في زينة كتير
التعليقات