مين فينا جاى مرساها مين رايح
لحظة ميلاد الفرح
كان فى حبيب رايح
يا أبو الروايح يا نرجس
ما تجس وتر القدر
تلقى حكايات البشر
فيها عبير العبر
فيها عبير العبر صادح
زى النهار الطفل لما ينفلت
من بين أيادى الضلمة و يشقشق
أنا شوفت روح الحق لما اتسللت
صرخت وفى وش الخرس انطق
آدى البشر أوراق
فيها عبير العبر
فيها عبير العبر صادح
بان فى عيون العصر لما زغللت
الليل يجيها يحنى ضهر الزين
أنا شوفت روح الخطوة لما اتبرجلت
عكازها ماشى بالخطى على فين
آدى البشر اوراق
فيها عبير العبر صادح
التعليقات