في الركن البعيد الهادي
وفي نفس المكان في النادي
انا قاعدة مستنية
اجمل حبيب في عنيا
والشوق زارع حواليا
شجرة هنا مندية
وفاتت دقيقة وفاتت دقايق
وفاتت ورارها دقايق تدايق
وفين انت فين يا بحر الحنان
وفين انت فين بر الامان
يا خوفي لتنسى معادي
في الركن البعيد الهادي
الثلج داب داب
في كاس الليمون
بقاله ساعات
وفتحلي باب لهمس العيون
وضحك البنات
والشمس غابت
واحنا في عز النهار
واللهفة دابت من حرارة النتظار
وراحوا القاعدين
وقعدوا ناس تانيين
استنى تاني ولا ايه ولا ايه
استني تاني استنى ليه ليه
لا برده اسال احسن ده يزعل
وانا زعلوا ما اقدرش عليه
طلبته عاتبته
قالي اهلا يا حياتي
وفي وسط موجة غضب
رمالي نجمة وطوق
وبكل رقة وادب
وبشوق ما بعده شوق
قال لي انهارده ايه
قلت النهارده السبت
من خجلي دبت وتبت
مالقيتش عندي رد
ميعادنا كان الحد
في الركن البعيد الهادي
التعليقات