كنت فاكر ان الوقت مسيروا يفوت
كنت عايش جوا وهم مش مفهوم
كنت حاسس انى شخص معرفوش
انتى سم وانا قررت مشربهوش
....
فى علامات بنعرفها من كلمه
البحر غدار ومش منا
كام مره اتمنيت انى اموت
او اموت المشاعر إلى بينا
....
مبروك استنفذتى
الطاقه الى باقيه من جسمى
كان لازم انى ابعد
وافوق لعقلى ونفسي
....
3 سنين معافي والحمد لله
اموت قبل ما يقولوا واحده إلى كسراه
بطلت السموم الى دخلتها لجسمي
وبطلتك انتى برضه وفوقت للحياه
...
قتلتك ف دماغى.
بدأت لما بعدت فعلا انى اعيش حياتى
موتك ف عيني
ودا خلانى اشوف بكره احسن من الليلادى
....
كنت فاكر ان الوقت مسيروا يفوت
كنت عايش جوا وهم مش مفهوم
كنت حاسس انى شخص معرفوش
انتى سم وانا قررت مشربهوش
Chours
.....
جوايا برود يجمد العالم وديني
الدنيا سايبه الناس بس مهمتها ترازيني
انفصامى خلى الكل البشر دى تطلع ميتيني
بقيت اتنين والشخصين مش عايزينك
...
لسه في اسرار جوايا
كان لازم انى ابعدك عنى
حقيقي مش عايزك معايا
مش انتى الى تبقي جنبي
...
مين الصح مين الغلط مين الجانى
بستني كل حاجة ومفيش حاجه بتستنانى
بمد ايدى لخير بس في حاجات منعانى
هبقي احسن لما البشر ديا تحل عن دماغى
...
درجه الحراره ف قلبي بارده
المشاعر إلى فيا متجمده
كل حاجه ماتت من النهارده
اعتبرنى ميت او قلبي مش هنا
....
احن لمين؟ انا عمرى ما بصيت ورايا
الى برميه! قصتهم بتموت معايا
مبيشغلنيش انا روحى بتقول كفايه
علشان مفيش خلق تانى للبدايه
...
مكنش نفسي فعلا ندفع تمن الخساير
بحرق كتير معاكى اكتر من حرق السجاير
كنت بسكت ف المواقف حتي لو ايه الى داير
انا مبقتش فاهم انا مبقتش فايق
...
انا مرتبط بالسما ف بخسر كتير ف الارض
بكره هبقي نجم علشان دا ف عيلتنا فرض
نص عمري حاطط الحلم ف دماغى
والنص التانى فعلا عمري ما افتكرت
...
مكنش ينفع تبقي معايا ف السنين الجايه
مش هتحطم ولا هسيبك تاذي فيا
عملتى كل حاجه تحت مسمي النيه
حضن الفلوس كان احلى من مشاعرك ليا
...
احن لمين؟ انا عمرى ما بصيت ورايا
الى برميه! قصتهم بتموت معايا
مبيشغلنيش انا روحى بتقول كفايه
علشان مفيش خلق تانى للبدايه
التعليقات