(Verse1)
مش عارف اخرتها
بحاول اصلح نفسيتي مش بايدي
بتتغير شخصيتي للاسوا
في الاغلب في البيت هتلاقيني
مش بخرج من اوضتي
زكرياتك معايا و انتي سبتيني
فاكر كل تفصيلة و انتي النسيتي
برجع لدايرة ضلمة مقفولة
مش عارف افرح بسهولة
افكار في دماغي تيجي من اصوات مجهولة
كل حاجة كانت حلوة لما كانت المرة الاولي
بعديها تكرهها و تكره نفسك
تحس انك ماشي شيطانك مكانك بيلازمك
متحسش بالازمة غير بعد فوات الاوان
تشوف العالم اسود بطلت تشوف الالوان
شكلك القديم جواك خلاص بقي بهتان
و القرف الشايله جواك لبرا هو اليبان
و مفيش تفاؤل كله بيقفل بيبان
و انت قاعد شغال مفيش تفاؤل
كله بيقفل بيبان
مفيش هروب من المكان
(Chorus)
راجع حتة ضلمة تاني
طول ليلي اقعد اصرخ و اعاني
ببكي بلا دموع
و نعيد السيناريو تاني
عايش في مسرحية
محدش فيكوا حس بيا
محدش فيكوا موجود ليا
(Verse 2)
حياتي كلها مليانة الم
كل فرح جوايا اتكفن و اتدفن
بلا عودة خلاص اصبحت غير صالح
تم اتلاف الجودة
نفسي انام حتي لو ليلة واحدة
ليه نومي بيصفي علي ساعة واحدة؟
ليه دايما مش لاقي واحدة؟
ليه دايما حاسس بالوحدة و بدور عالاحسن؟
ليه؟!
كله بيشوف الحلو الفيا
و ورا ضهري يقعد يتكلم عليا
ليه محدش خد باله من السواد التحت عنيا
محدش فاهمني و محدش بيحاول يساعدني
حتي اقرب الناس ليا فقدت الامل مني
غصب عني مش عارف انسي كل حاجة وحشة حصلتلي
كله شاف اسوأ حالاتي و بقي يهرب مني
يتجاهلني اكني قاعد بكلم نفسي
باجي قدام اي حد و هو يقعد يشوط
بقيت متقبل الموت
هتوحشني امي
و البيت هيزيد صمت
و يكون بلا صوت
بتمني لما يجي يوم مماتي
متنسوش صوتي في الاغاني
و مسيرنا يوم نتقابل تاني
يا ريت تفتكر الكويس قبل ما تنساني
شايفني دلوقتي محدش شافني من البداية
مش هقول حاجة تانية هخلي الباقي جوايا
مش هعمل حاجة هقعد مستني النهاية
(نهاية)
(العيب فيا، ولا فيهم؟)
(مش عارف)
(شكيت في نفسي كتير)
(جايز انا السبب في كل حاجة؟)
(انا الوصلت نفسي لكدا)
(انا الوحش، و هما الحلوين؟)
(جايز لو مت مش فارقة عادي)
(مش فارقة كتير)
التعليقات