الحزن ساكن جوه قلبي
و فراقك ساب أكبر علامة
و بخاف ابان للناس ضعيف
فبداري دايماً بإبتسامة
هو الفراق فعلاً مخيف
ولا بعدك وحده قاسي
عايش حياتي خداع و زيف
بقول نسيت لكن مش ناسي
لسه معايا رغم الفراق
الليل يفوت و دموع في عيني
اعمله ايه الإشتياق
ازاي نسيتي طب عرفيني
بعدتي عني و سيبتي ليه
ده انتي عمرك ما فارقتي بالي
مش عارف بعدك اعمل ايه
و ازاي تفوت بس الليالي
بعدك قتلني و الفراق
صحا في قلبي جراح كتيره
قلبك خذلني هجرك كسرني
و سابني في توهه و حيره
التعليقات