"كلامُّ بعد كلامٍ
وعينٌ تَنِزفُ ماءٍ
في فضاءٍ بين فضاءٍ
لا مكان له في الوجود"
إحنا مش إحنا وهادا مش تشبيه
وهادي مش أغنية هي أغاني كتير
وأنا كذاب بس أتطلع بعينك ما بفهمكيش
إعمل حالك مش زعلان عشان ما تصير غريب
يومها ضلينا ساكتين بس حكينا كتير
ولما تسألني كيف حالك بعرف إني مش منيح
أوسخ شي تعطي كل حواسك لناس تانيين
هاد المنتج غير قابل للاسترجاع أو التبديل
روح عالجامعة سجّل الحضور وانت مش موجود
كنّس الباقي منك رجع المجرود
حتتأخر بس تتقدم فتحكيش مبروك
قل للمليحة أنا مش فاضي أنا مشغول
يمكن بسجل هالمقطع وأنا مسروق
معيش كتير ف خلي الباقي يمكن انتوا تحتاجوه
انبسط عيّط إجرح خيّط وهموم بتنسي هموم
والسؤال الناس بس تشوف عيونّا شو بتشوف
قلّي إيش بتشوف؟
أي حروف بتوصفني
قلّي إيش بتشوف؟
أي حروف بتوصفني
العين أفصح من اللسان بقترح تحكيش
نسيوك وانت صغير الناس بتحب تتكبر فيك
واللي بيغلطش مع حد بيغلط مع حاله كتير
ولما أمك تحكي نزل الزبالة بتتذكر مين "هههه"
قيس قبل ما يموت ب ليلى عاش
وانت مش غرقان ب بحر والبغرقك شاف
بعرف إنك بتسواش وشايف العالم مهتمة
بمشاعرك الشفافة إلي انت بتلمسهاش
عالم ومدينة شارع وسكّان
هاد كله جواك يمكن إحنا أصلاً خيال
والخلايا والحيوانات كانت حتقتل داروين
قبل ما توصل أخبار إنه حيصيرو ناس!
مجهز شاش بعرفش متى الأفعال بتجرحني
بضل أحكي بالناقص وهي بتضلها تطرحني
وكل ما أفكّر أسكّر كلشي وأبطّل شغلي
بصفن للحظة بحالي وبتذكر إللي بيكرهني
قلّي إيش بتشوف؟
أي حروف بتوصفني
قلّي إيش بتشوف؟
أي حروف بتوصفني
برفع أصبع كل ما ذكرى تضرب تخسى أهرب
وفعالم موازي في حد حكالنا بكرة أصعب
محدش بيعرف كم من بعصة وكم سكين فخصرك
خطوة بخطوة طلعنا الدرج معرفناش المصعد
عكس العنب في الصغر حلوين ولما نكبر حصرم
لا تبعد عن الشر وتغني روح قرّب وارقصله
إحنا إللي بنقلب عالقدر لما نتدايق من عزفه
صفنت أفكّر بإجابة بس سَأْلت ليه بتصفن؟
مان هات أسكب
بيشربش لينسى يا دوبه متذكر اسمه
شايف الكل حجارة فمقضيها ينط ويفشق
راح جداره وضل مسمارك عرف إنه قيمة صحابه زادت لما نقصوا
نفسه يمضغ الأيام إللي مدايقته ويبزق
أو يصير سايق جرافة ويهد كل حيط لبسه
يفتح باب في راسه ويطلّع أفكاره تركض
لما تكون تكت خسرانة ما حتربح شو ما تقشط
قلّي إيش بتشوف؟
أي حروف بتوصفني
قلّي إيش بتشوف؟
أي حروف بتوصفني
التعليقات