مول الدار الباب غلقو وزاد شق الحدود
دخّل البيضة وكحلة، ولّى نوار - بلان قوس قزح
واش نحكيلك مواش بقى، مالضر القلب اتسقى
الواقع يفطّن فيك بالسقالي وانت في الكذب تضرب عشقة
حنا لي عظمنا تاع شقا، حنا لي دمنا ثقيل غرقة
آمنّا القيل والقال و فذوبنا ضمنّا غرقة
حلاوة الرقدة في المستنقع، تشوف المستقبل في قارب
بوناطيرو وما يتوقّع البونور فيلم ما يخرجش عن قريب
ياس قولّي شكون راك قاصد نتي لي سرقتي وقتي
وشطحتي مع الرقّاص، ساعتك مسمومة درتي وغلبتي العقارب
ياس الموس تاعك انت قاطع العنف ومشتقاته
ملصّق باب في تاكست، لابيرانت تسمع تشقى اتّيه
ما تعيا وترتقي، قولنا قاع لي ملعلقة اطّيح
ما تقرانيش مع القطيع، نشوفهم مالفوق غير نقاطي
بالماصّة ماسح عرقي، القنطة منشفة ريقي
كثرو غير لي رومبلاصون ولّيت ما نامنش في فريقي
ملّي نشفى يا الإفريقي نسقسي في نفسي في من ثيقي؟
كابر في موقع الجريمة ولاكري بلونش متلفة طريقي
نسربي ونشرب غير من بريقي، فوسط هذ القوم ما ولّيت نعقل
ورا كل مهبول بنادم عاقل، ورا كل معتقد معتقل
نكتب بالزيادة على الأقل، تفهمني بالاك تعقل
ياك الفقيه تلقاه فقير ولي عمرو ما ادّا يمد واش افقد
مخبّي الباطن في القلب والظاهر ذنوب في رقابي
زدموا قاع للتيران قليل فيهم لي لقا بيت
نص لبنات غير علّات حجلة وعقاب
ناس بنات وعلّات وأنا نضرب في حيوط الدار نزيد فالثقابي
إذا كان على الغدر بزقة في الوجه كي تتلاقى بيه
حبّس التمهبيل ما تقولّيش خويا وفي لافان تظهر قابيل
حصلنا في الطلعة، اك تشوف سي بير
الحياة مظلمة باني قلعة في قاع البير
مزرطي مالقراية ظروف عائلية، فالكارطابل والمقلمة
ما تقراع العشرة تقساح وما شكّيت ترطاب قالت ما
أيا تهالا عليك لامان نخلّيك وحدك قوم بيها
أنا طلّقت ما نورّيش الطريق ما حبّيتهاش هكذا قول ليها
الكبير عصى والصغير قسا، قضاء وقدر هذي قسمة
لي تقلقني نرسمها قصيدة اقرى بين سطوري تفهم القصّة
الدنيا زهور، عفت واش قطفت قصية وقصات
وخلّي عشانا يكون لفت وما نتحّو للقصّاب
دي فوا الباطل عندك الحق، لحرام يقطع لرزاق
ياك فوق السحاب كلّش زرق J'ai le blues أنا من صغري
شي ما يتخبّى، شي ما يثقال، حنا لي شيفنا شي ما يتقاس
ولي على خويا ما جاهش خفيف على رقبتي شي ما يثقال
قاع لي ديرو غدوة تلقاه خامج الصفحة لي ما تتنقّى
ما يتمحى مثقال، أنا نتفكّر يامات كي مات الرقاد
ما صبت وسادة كي طارتلي، ما صبتي لوساع كي ذاقتلي
عضة لليد لي توكلنا عندنا عادة، هكذا قاتلي
لعقلك ديري نقاب
أنا حالف ننساه قرن هذاك لي ينساني دقيقة
نهار تفطن عام تغفل تنسى واش ربّي قال
تمنّيت على ظهري نرفد ندّي مّا تزور البقاع
يبقالي حلم في قلبي قاعد والكوشمار في عقلي يرقص
قروب الساعة أنا حبيت كتابات من صفحاتي تنقص
ما كسبنا غير لقدر هكذاك شي ناس فينا طامعة
والنهار لي ما تقدر طفّي الضو خلّي اطّيح الدمعة
شوف نهدر معاك عادي وما تغرقلي في فنجال
إذا شفتها عليك تقودت، الدنيا تغبن الرجال
"ياس كون الباسي يرجع" لا لا لازم تتقبّل
نمشي في لافونير شال وموريس وين تحط خطوة تتقنبل
كي سكتوا قاع واحد ما قال
ياس بحرف حل مقال، رحال، ني دار ني مقر
كل مقام ومقامو، ديكريبتي كتيبتي بالقاموس
هنا الحبيب كي يعطيك ورد حوّس مليح تلقى موس
Une seule loi :
فوك القانون، وهذ الفن لي في انقراض
نكتب 27 قيراط J'ai des mains faites pour l'or
ما لقيت ثقبة لي في الابرة، لا لا لي تقطّع ما يترقّع
طالع في البيت بمطرقة la garde في حياتي داير
مالقري طوّلت باش فقت، كي فهمت على روحي شفقت
كي هبط الستار ولي كان بان عليهم صفقت
خطوة في لحلال، سبعة في لحرام، حاب مع روحي نتّفق
أنا غير واحد وما قدرتش نعيش بيه ناس بسبعة وجوه تنافق
تلفت في فخة بلا مفر، حوس على الضو داخل النفق
مازال في الطريق قاعد قريب نقلب الطريقة
كل يوم يضرب البرق، كل يوم اطيح الصاعقة
الديمقراطية وما تلقاها، الصح ملبسينلو قالب
"أنا شيكور هذ البلاد" ياك سمعت السعيد قال
الحق ما ولّى عندو قيمة
مازلنا متسلقين في هذ الجبل ما لحقنا للقمّة
ما تسقتسينيش وعلاش لا لا اللخرين بقينا
ماسك صوصيال قليل لي قانع مقابل الواقع بقناع
هنا يقسفوك إذا وقفت، يتفرجو عليك إذا لقّفت
يضحكو عليك إذا استعقلت، كاين قوّاد في كل قنت
نرابي ريحة اللسقة ووقت السريقة باللّقّاط
بسبعة أرواح مازال واقف نطيح على رجليا كي القط
شوف زماني لي اتقلب ولّى ولّى الرجال قلال
داروا للذل استقبال، عمبالهم ادّاو استقلال
تقلب الطابلة على حقك يتهموك بانقلاب
"حاب في بلادك وتعيش بيان؟ ياس واشبيك اتقّي الله"
نخرّج واش بقى فيا غير بقافية طافية مور
خابطة القافلة ولي بقى في لامورغ
فينالمون هكذا للقيامة ما كذبوا لي قبلي إلا
بديتها بكتيبة، اليوم ولّاتلي قبيلة
لي حب الراب ديرلو ياس، البقية تدير لقيا
كل حديث نديرولو قياس، لي طايح مركوب ديرلو رقية
تيق فيا روح هاني صدّقني
مجوّز الليل أنا ورقتي والسكات روحاني منطّقني
نبكي على النية لي فينا راك تعرف العقيدة
تبكي يمّاك وما تبكي يمّأ، خو راك تعرف القاعدة
بايت في هذ الظلام، طفاو النجوم ولا غاب القمر
ما تامن لي قال "نموت عليك" حتى تسمعها متحت القبر
آك تشوف بقات عاكسة، الكلبة تخرجلك للطريق
مام تبنيلها قصر فارق وما تخسر وما تسير بنية ناقصة
هنا الريح ويسبقوه يجيبو المكتوب برقصة
تردّك شجرة بلا وراقي، ت*يكلك حياتك بلا واقي
البكرة جابة في الراس عمبالهم غير في الكور واقيل
اليوم العشّاق غلقوا التواقي، خملو قشهم باتوا برّا
وأنا مطرّف بتبواقي ياك لي تبعوهم ما رفدوا بالراس
والألم كي نكتب ينقص ma trace بالقلم خلّيت
كون يشوفونا كاش عايشين يبانولهم طقوس
في لابيرانت تلفت الدخلة، تكيّف سطوري كي تتخنق
ما تتخلع ولي ضاع ما يتخلف Story deep
السفينة غرقت، تعوقلنا القبطان
كبرنا مور القضبان، ربّاونا وكحل القطن
ما تتعادو بلقطة، أنا هذاك لي اتّحرق وما طابش
كسر رقبتك باش تشوفني نرابي مالدارني إيطاج
[الخرجة]
كتبت فيلينغ حاس بالضر الزجاج يتشقّق
واش فايدة قلب بلا دقّات
واش فايدة حلم إذا يتحقّق
واش فايدة خليل إذا ما يتعنّق
واش فايدة ايل إذا ما يتعمّق
كتبتلك قصيدة وما نسحثقّك تسفّق
مالقنطة ادّيت نصيب، أنا لي بيا تفهمني فقط
واش فايدة جناج إذا كان تاع بطريق
واش الفايدة تلقى كنز وما جوّزت تعب الطريق
واش فايدة لوسع إذا في قلبك الضّيق
واش الفايدة تفتح الباب ومايقابلك رفيق
واش فايدة منام إذا في لافان راح تفيق
لي فالعقل فاللسان ولي فالقلب فالقاف
حاب تعرف شحال من نهار في العام مجوزو في الحبس؟
أحسب شحال كاين من قاف
الصحبة ماشي سنين مواقف فيمن تلقاهم
ما كتبتش القاف باش نقولك "قف" مي نعطيك القوة باش تقاوم
وان شوت - بيس
Romanization
Moul edar el bab ghal9ou w zad cha9 el houdoud
Dakhal beida w kahla hata wela noir et blanc 9awss 9ouza7
Wesh nehkilek mwesh b9a me dhor el 9alb tes9a
El wa9e3 yfattan fik b s9ali w nta flekdeb tedrob 3ech9a
Hna li 3damna ta3 ch9a hna li demna t9il gher9a
Amena el 9il wel9al w fdnoubna dmanna ghar9a
Hlawet el re9da fel moustan9a3 ki tchouf el mousta9bal f 9arib
Bonatiro o ma yetwe9a3 el bonheur film mayekhrdjoch 3an 9arib
YES 9oli chkoune rak 9assed nti li sra9ti wa9ti
W chtahti m3a re9ass sa3tek mesmouma dorti w ghlebti el 3a9arib
YES el mouss ta3ek nta 9ate3 el 3onff w mouchta9atih
Mlessa9 bab f labyrinthe tesma3 tech9a ettih
Mate3ya w terta9i 9olna ga3 li m3al9a etti7
Mat9arennicha m3a el 9ati3 nchoufhoum mel fou9 ghir n9ati
Bel massa masse7 3er9 el 9ontta mnechfa ri9i
Ketrou ghir les remplacants welite manamench fi fari9i
Meli nechfa ya el ifri9i nsa9ssi f nefssi fimen ethi9i
Kaber f mou9a3 el djarima w la craie blanche mtelfa tri9i
Nserbi w nechrob ghir m bri9i fwasst had el 9oum ma welite na39al
Wra koul mahboul bnadem 3a9el wra koul mou3ta9ad mou3ta9al
Nekteb b zyada 3la el a9al tefhemni balek ta39al
Yek el fa9ih tel9ah fa9ir w li 3omro ma eda ymed wesh fa9ed
Mkhabi el batten fel9al w daher dnoub f r9abi
Zedmou ga3 le terrain 9lil fihom li l9a but
Noss lebnate ghir 3ellate hedjla w 39ab
Nass bnate o 3ellate wana nedrob f hyott edar nzid f t9abi
Ida kane 3la el ghedar bez9a flewdjah ki tetla9a bih
Habess tmahbill ma tkolich khoya w fla fin ted'har 9abill
Hssalna fe tal3a ak tchouf c'est pire
Hyate mdalma bani 9al3a f 9a3. el bir
Mzarti mle9raya dorof 3a2iliya fel cartable wel mi9lama
Ma t9are3 el 3echra te9ssa7 o ma chekite terttab 9alet ma
Aya thalla 3lik lamane nkhalik wahdek 9oum biha
Ana talagt manwerich trig mahabithach hakda 9oul liha
Lekbir 3ssa w sghir 9ssa 9ada2 wa 9adar hadi 9esma
Li t9ala9ni nerssomha 9ssida e9ra bin stori tefhem el 9essa
Denia Zhor 3eft wesh 9teft 9ssiya w 9essate
W khali 3chana ykoune left o manta7ou lel 9essab
Des fois el battel w aandek el ha9 lehram ye9ta3 lerza9
Ana men soghri j'ai le blues yek fou9 s7ab koulech zra9
Chi ma yetkheba chi ma yet9al hna li chfina chi ma yet9ass
W li 3la khoya ma djahch khfif 3la ra9abti chi ma yeth9al
Ga3 li dirou ghedwa tel9ah khamedj essaf7a li ma tetne9a
Ma yetem7a mit9al ana netfakar yamate ki mate el r9ad
Ma sobt wssada ki taretli ma sobt lewssa3 ki da9etli
"3ada lel yed li twekelna 3andna 3ada" hakda 9atli
L 3a9lek diri ni9ab
Ana halef nenssah 9arn hadek li yenssani d9i9a
Nhar teftten 3am teghfel tenssa wesh rabi 9al
Tmenite 3la dahri nerfed neddi ma tzor el bi9a3
Yeb9ali holm f 9albi 9a3ed wel cauchemar f 3a9li yer9oss
9ouroub el sa3a ana habite ktabate men safahti tet9oss
Ma kssebna ghir le9der hakdak chi nass fina tam3a
O nhar li mate9der taffi edo khali ttih dem3a
Chouf ! nahdar m3ak 3adi o mateghra9li f fendjal
Ida cheftha 3lik t9awdette denia teghben el rdjal
"YES koon el passé yerdja3" lala lazem tet9abbel
Nemchi f l'avenir Chale et Maurice win t7ot khettwa tet9anbell!
Ki sektou ga3 wahed ma 9al
YES b harf 7all ma9al ra7al ni dar ni ma9arr
Koul m9am w m9amou decrypter ktibti bel 9amouss
Hna lehbib ki ya3ttik ward hawess mlih tel9a mouss
Une seule loi: Fuck el 9anoun w had el fen li f in9irad
J'ai des mains faites pour l'or nekteb 27 9iratt
Ma l9ite eto9ba li flebra lala li tgueta3 ma yetre9a3
Fhyati dayer la garde tale3 fel beat b mitra9a
Malgré towelt bech fa9t ki fhemt 3la rohi chfa9t
Ki hbatt essitar w li kane bane 3lihom sefa9t
Khetwa f lehlal seb3a flehram hab m3a rohi netafe9
Ana ghir wahed o ma9dertche bn3ich bih nass b seb3 wdjouh tnafe9
Telfet fi fakha bla mafarr, hawess 3la edo dakhel nafa9
Mazel f tri9 9a3ed 9rib ne9*leb etari9a
Koulyoum yedrob lebra9 koulyoum ettih Sa3i9a
Dimo9ratiya ma tel9aha el sa7 mlebssinlou 9aleb
"Ana chikour had leblad" yek sma3t Said 9al
El ha9 ma wella 3andou 9ima
Mazelna metsel9ine fhad ledjbel malha9na lel 9imma
Matsa9siniche waalech lala lakhrine b9ina
Masque social 9lil li 9ane3 m9abel el wa9e3 b 9ina3
Hna ye9essfouk ida w9eft yetfardjou 3lik ida la9aft
Yedahkou 3lik ida sta39alt kayen 9ouwad f koul 9ant
Nrapper rihet el less9a o wa9t sri9a b le9ate
B seb3a arwah mazel wa9ef ntih 3la redjliya ki el 9att
Chouf zmani li te9leb wela wella rdjal 9lal
Darou le dhell isti9bal 3ambalhom edaw isti9lal
Te9leb tabla 3la ha9ek yetehmouk b in9ilab
"Hab f bladek w t3ich bien? YES weshbik ta9i lah!"
Nkharedj wesh b9a fiya ghir b 9afiya taffia mort
Khabtta el 9afila w li b9a fi la morgue
Finalment hakda lel 9iyama ma kedbou li 9abli ela
Bditeha b katiba lyoum welatli 9abila
Li hab el rap dirlou YES ! el ba9iya tdir le9ya
Koul hdith ndiroulou 9yass li tayeh merkoub dirlou ro9ya
Ti9 fiya roh hani seda9ni
Mdjewez el lil ana w war9ti w skate rohani mnetta9ni
Nebki 3la el niya li fina rak ta3ref el 3a9ida
Tebki yemak o ma tebki yema kho rak taaref el 9a3ida
Bayet f had dlam tfaw ndjoumwela ghab le9mar
Ma tamen li 9al "nmout aalik" hata tesma3ha m taht le9bar
Ak tchouf b9ate 3akssa! el kelba tekhrodjlek ltrig
Meme tebnilha 9ssar fare9 o matekhsser o matssir b niya na9ssa
Hna errih o yesseb9ouh ydjibou el mektoub ra9ssa
Trodek chadjra bla wra9i t*iklek hyatek bla wa9i
El bakar djaya ferass 3ambalhom ghir fel corps wa9il
Lyoum el 3echa9 ghal9ou twa9i khamlou 9ach'hom batou barra
Wana mtarraf b tebwa9i yek li teb3ouhoum ma refdou be rass
Bel 9alam khalite ma trace wel alam ki nekteb yen9oss
Koon ychoufouna kech 3aychine ybanoulhoum to9oss!
F labyrinthe telfet el dakhla tkeyef stori ki tetekhna9
Story deep ma tetekhla3 w li da3 ma yetekhlef
Sfina ghar9et t3awa9elna el 9obttane
Kberna mor el 9odbane rabawna w k7al le9tten
Ma tet3awed el la9tta ana hadek li tahrag o ma tabch
Kassr ra9abtek bech tchoufni nrapper m dernier étage
Ktebt feeling hess bel dhor el zjaj yetche9a9
Wesh faydet 9alb bla de9ate
Wesh faydet holm ida yet7e9a9
Wesh faydet khlill ida mayet3ena9
Wesh faydet ill ma yet3ema9
Ktebtlek 9ssida o maness7a9ek tsefa9
Mel 9ontta dite nssib li biya tefhemni fa9at
Wesh faydet djnah ida kane ta3 betri9
Wesh fayda tel9a kenz o ma djewezt ta3b el tri9
Wesh faydet lewssa3 ida f 9albek el di9
Wesh fayda teftah el bab o ma y9ablek rfi9
WESH FAYDET MNAM IDA FLA FIN RAH TFI9
Li f la39al f lssane w li fel9alb fel9af
Hab taaref chaal m nhar fel 3am mdjewzou fel habss
Ehsseb chaal kayen men 9af
Sohba machi snine mawa9if fimen tel9ahoum
Ma ktebtch el 9af bech n9olek "9if" mais na3tilek el 9owa bech t9awem
One shot, peace!
التعليقات