ما بين الوم النفس وشوية اشياء
مااقدر أخبي داخلي فرحتي فيك
انت الصحيح اللي وسط كومة اخطاء
وانت الحبيب ويسعد القلب طاريك
ياليت قلبك ياخذ العمر وماشاء
واسمح اذا حتى العمر ما يكفيك
ماعدت ابعطي الحزن فرصه اذا جاء
والحين ايدي ضمها بين اياديك
قلبي وقلبك مثل نبته مع ماء
تسكن هوا روحي وبالروح اسقيك
واللي خلق لادم من الضلع حواء
انت الوحيد اللي بهالخلق اغليك
ياليت قلبك ياخذ العمر وماشاء
واسمح اذا حتى العمر ما يكفيك
ماعدت ابعطي الحزن فرصه اذا جاء
والحين ايدي ضمها بين اياديك
ما كنت انا ونبضي ترا قبلك احياء
امر تدلل قول سمي وانا اعطيك
والله صحيح انت وسط كومة اخطاء
تستاهل العمر وعسى انه يوفيك
ياليت قلبك ياخذ العمر وماشاء
واسمح اذا حتى العمر ما يكفيك
ماعدت ابعطي الحزن فرصه اذا جاء
والحين ايدي ضمها بين اياديك
التعليقات