يارب انت فاديا انت ابويا اللى ليا
تعالى نور عينيا واسكب نعمتك فى
عايز منك هدية مش من الارض ديه
ايدك الحلوة النقية تفتح لى نور الوصية
عايز حياتك وروحك يكونوا فى وليا
يمكن طلبى ببساطة يمكن بعشم زيادة
مانت ابويا اللى لياو انت اللى تحس بيا
عارف ان انا مسكين من غير وجودك حزين
عارف ان انا غلبان من غير حبك عطشان
معقولة تبخل عليا يا حبيبى وكل اللى ليا
وانت عندك المية الحية العذبة النقية
ياما عطشت كتير وحفرت بير ورا بير
مية مالحة ومرة اشربها فى كل مرة
عايز منك هدية ميتك والابدية
مش انت يارب انت امبارح زى النهاردة
ده انا عشمى فيك كبير وايمانى مالوش مثيل
انا عارف انى عاصى من رجلى لحد راسى
وانت اديت السامرية ميتك والابدية
يرضيك اعيش عطشان وانت ابويا الحنان
مانا شوفتك واقف عندها ع البير وبتقولها
انا هاديكى ينبوع يرويكى ويروى الجموع
عايز حياتك وروحك يكونوا فيا وليا
يمكن طلبى ببساطة يمكن بعشم زيادة
مانت ابويا اللى ليا وانت اللى تحس بيا
التعليقات