كلمات اغنية احمد الجيار – خانت الوعود

“ ع حالي انا رح جرِّب اقسى

وعم حاول قصتنا انسى

ما بدي منك ولا ذكرى

خلص ما بقا ينفع”

هيّي الي اختارت تفل ع اساس حدي تضل

هيّي الي اختارت تبعد ع اساس كنا لبعض

كل هالفترة وطلعت عم بتجرب

باعصابي عم بتخرب

بمشاعري عم بتقلب

وعلى قلبي السكين تقرب

كيف كنتي تكذبي

وانا مصدق الكذبة

كيف مسكتي ايدي

وكذابة كنتي بقربي

كيف لعبتي على حبي

وعرفتي بوجهي تضحكي

كيف نسيتي هالمدة

وقبلتي لا عقلك تسمعي

تتذكري كم مرة ضحكتك

لشوف هالضحكة

كم مرة نأذيت

حتى انتي ما تبكي

كم مرة خاطرت

بس لشوف هيدي الخلقة

كم مرة بدموعي

طفيت اعصابي المحترقة

ما فيكي تعيشي بلايي

طيب هياكي عشتي

بلاك ما بقدر كمل

طيب هياكي قدرتي

كذابي .. وعندي

بطّل إلك مكان

كانت قصتنا حلوة

وانتي ل كسرتي العنوان

كنت اسمع عالخاين

بس لما فليتي عرفتوا

وحبي الكان معك

من بعد الصار قرفتوا

واكتفيت اني فكّر

اعطي حبي فرصة ثانية

فبتأسف على الوقت

الضاع معك واختفى بثانية

“ع حالي انا رح جرِّب اقسى

وعم حاول قصتنا انسى

ما بدي منك ولا ذكرى

خلص ما بقا ينفع”

اتخليّتي عم حبي

بحجّة هيدا إلنا أفضل؟

احرقتيلي كل احلامي

وقلتي جايي يوم وتفهم؟

طيب كيف بدي إفهم؟

وأنت وحدي ما فهمتك

بحياتي ما ندمت

قد ما ندمت إني عرفت

طيب لي من الاول

هيدا الافضل ما شفتي؟

طيب لي من الاول

حلمي معك شاركتي؟

لأنك غدارة وخايني

وما بيلبقلك الوعود

كل مرة يقولوا انتبه

طلعت انا المقصود

ورغم كل شي قدمتوا

طلعت انا المرفوض

ديعان حبي فيكي

وخسارة دبلة الورود

قالوا لي الي بيترك مرة

ممكن يترك مية

قلت ممكن يتصلح

وهالجملة مش منطقية

طلعت انا المتسامح

واتركا عم تجرح فيي

لحد ما فات الآوان

وطلعت الضربة مأذية

بكرا رح يجي هاليوم

وما عاد ينفعك الندم

الله ما بيترك حدا

وما بيترك انسان انظلم

منك ل الله

ومش رح قلك اكثر

قلبي من حبل كذبك

الحمدلله تحرر

نسيتك وما بدي

وجودك اتذكر

وبس يأذيكي الي بعدي

بفكر إذا بتأثر