الاخبار بتفيد
ان اللي عن العبن بعيد من القلب بعبد
طب ليه البعيد من الاتنين قريب
والاخبار بتقول
ان البعد لما يطول
بييجي النسيان
ولا الاخبار دي كانت بس زمان
كسرتي كل القواعد
قلبي في حبك مش بارد
مهما بنتباعد
بتزيدي غلاوة
وعارفك
عارفك لسه في بعدي بتزيدي حلاوة
بتحلوي و بتحلوي كالعادة
قالولي هتنساها
عدي عدي
وهيفوت الوقت شوية بطئ وشوية هيجري
وانا مش بطيق الوقت وانتي مش جنبي
وانا ولا نسيت
ولا بعدي
بلتفت ان رأيت واخدة فيها من ملامحك
او اسمها زي اسمك
او رسمها زي رسمك
وارجع اقول هن كتير
لكنك مفيش زيك
بنتبه ان جت سيرتك
ساعات بقول نسيت
لاجل ما ابان تمام
لكن اللي عارفني
واللي عارفني مهما كان
مش هيبقى زيك
بيكون كاشفني
بيكون كاشف حنيني في عنيا
والتنهيدة اللي بقول بيها اسمك
او حاجة من ذكرياتنا سوا
فاكرة ذكرياتنا
امانة تقوليلي
بتعملي ايه لما بتحني
زي بتجني
ولا بتفكري وتعدي وتضحكي عادي
بتدوري على فارس احلام جديد
اكيد ده حقك
لكن خلي بالك ليتعبك ويوجعك زي ما وجعتك
طبقا لاخر رسالة من سعادتك
بسمع اخبار من بعيد انك بين البينين
لسه حزينة لسه تايهة
و راسمة بحرفة شكل السنين
وبقول ساعات
لكنها مش كتير
اني مش هلاقي غيرك
ياللي انتي كتر خيرك
سيبالي كل اذى
حد غيري كان زمان
حبك ده اتنسى
لكنك لعنة
لكنك لعنة
انا اتلعنت بيها
حكاية نسيتني
وانا مش عارف اكون نسيها
في كل اللي عدوا
ما كنتيش انتي اجملهم
ولا اكملهم
ولا احلاهم
ولا اوفاهم
وانتي عارفاهم
وياما غيرتي منهم
غيرتي منهم وانا معاكي
برغم كل اللي قولته
لسه بشتاقلك
فيكي سر
انك مهما غيبتي
بشتاقلك
بقوم من نومي بندهلك
رجوعنا هيبقى شئ حزين
ف اعتبري اللي قولته كان حالة حنين
التعليقات