كلمات اغنية احمد رشدي – مهرجان انا اصلا عرباوي

الناس بصالي في حالي

وعيونهم مش سيباني

اكمني نزيه فاكريني بيه

وانا في الحقيقة بعاني

الله اكبر في عنيكو

الكره باين عليكو

قاعدين للشر ونازلين قر

يارب يولع فيكو

انا شايل ياما في قلبي

بكتم جويا واخبي

بضحك للناس علشان حساس

ولامرة اشكيلهم غلبي

اللي يقدرني بشيلو

واللي يزعلني بهينو

من غير افلام ولا كتر كلام

وضعي انا كلكوا عارفينو

يابني انا اصلا عرباوي

وبسد في اي حكاوي

لو جايه معاك انا هستاك

شكلك عالخير مش ناوي

رجليكوا شايلاكوا ياعيال

فاكرين نفسكوا ابطال

لاكن علي مين تعملوا جامدين

دا انا ياما ربيت اجيال

كتر الضرب مسوحكوا

عايزين حد يروحكوا

خليكوا فاييقين لا اديكوا قلمين

وهجريكوا من مطرحكوا

ايه يا دنيا مالك بيا

ليه ديما جايه عليا

علي طول حطاني جوه احزاني

وبشوف من الناس مرازيه

ألا انتي يا نور عنيا

حليتي الدنيا عليا

قلبك طيوب مفيكش عيوب

كلك رقه وحنيه

بنت ذوات بنت اصول

وجمالك مش معقول

بقولك ايه يابنت الايه

عايزك معايا علي طول

سحر عيونك خلاني

انسي همومي واحزاني

متعلق بيكي هموت عليكي

اخترتك نصي التاني

صاحبي اللي كان ملازمني

وانا قولت اخويا ومني

بعد يومين خلصوا القرشين

لاقيتوا بيهرب مني

يا خسارة يا خسارة يا خسارة

يا اصحاب قله وغدارة

عملت كتير ومفيش تقدير

جدعتني معاكو خسارة

بتكونوا حلوين في الاول

بعديها كلو بيتحول

طب يلا اهربو اوعو تقربوا

انا مش مطر اتحمل

رصيد الجدعنة خلص

كله مني بقي يحرص

وكاني كابوس جاي ليكو مخصوص

ينهي الموضوع ويخلص

سرقوا مني الكلمات

عملوا بيها ترندات

انا عندي كتير يا عيال فرافير

مش هزعل ع اللي فات

كلمات وكمان الحان

احمد رشدي الفنان

زيزو في التوزيع والله فظيع

صيتنا في كل مكان