اللي يعيش في الدنيا يشوف
ناس عايشة عشان تأذي وبس
واللي يلف يموت من الخوف
من ناس قادرة ومش بتحس
قلة أصل لكن من الآخر
وخيانة أصلي ومالهاش آخر
على عينيك بقى كله يا تاجر
الضرب ودقات النقص
الضرب ودقات النقص
أسترها يا رب علينا
من ناس عايشين حوالينا
عاملين حبايبنا وهما ثعابين وبتلدع فينا
اللي تفكره كده طيب
وتعامله كمان بالطيب
تلاقيه في ظهرك بسهولة بينم عليك ويعيب
ما بقاش زمن الغاليين
ولا زمن الخير والطيبة
كثروا الناس الواطيين
اللي بيتباهوا بالعيبة
ما بقاش زمن الغاليين
ولا زمن الخير والطيبة
كثروا الناس الواطيين
اللي بيتباهوا بالعيبة
بين كل واحد والثاني
في واحد طمعان فيك
والمجني عليه والجاني
ما تفرقهمش عينيك
مش عارفين ليه نرتاح
إيه اللي بيحصل لينا
أسترها يا رب علينا
أسترها يا رب علينا
تايهين وبيلعبوا بينا
بقى سوء النية بيغلب حسن النية اللي ناسينا
بنقاوح كده ع الفاضي
والخوف بقى جوانا عادي
وشوية، شوية هنبقى ما فيناش ولا واحد راضي
أيام وما يعلم بيها
غير المولى اللي خالقنا
ماشيين بنلطش فيها
ونآمن للي سارقنا
أيام وما يعلم بيها
غير المولى اللي خالقنا
ماشيين بنلطش فيها
ونآمن للي سارقنا
خايفين من بكرة عشان مش عارفين إيه مخبيه
واللي بيسعى وغلبان بيدوسوا بقسوة عليه
طيب بقى إيه آخرتها
ما هو فينا اللي مكفينا
أسترها يا رب علينا
التعليقات