جاية تقوليلى بعشقك ؟ طب بعد اية
ده انا كنت غازلك توب دهب وشقتيه
وقلبى ده لما اتسعلك كان يعنى حد حس بيه؟
كنتى ليا حلم راسى فوق كتافى وهدتيه
هديتى احلامى حنتيلى راسى والقلب عذبتيه
وجاية تقوليلى بعشقك ؟ طب بعد اية
دانا لما سيبتك صاحبت الليل وناسه
عشقت السهر وسرقت من القمر كاسه
شربت المر ف كفوفى وكره العدل انصافه
نزلت بحر حنين اختارنى الحزن من ضمن حراسه
وجاية تقوليلى بعشقك .... طب بعد اية
جربت بعدك كل شئ .....كل البنات
محسبتهاش وشربت من كل الكاسات
مظلمتكيش ده انا اتظلمت وعشت ميت من سكات
مشيت طريق ملوش اخر حتى الممات
وجاية تقوليلى بعشقك .......طب بعد اية
ف ركن الذكريات قدرت على نفسى وحطيتك وسطهم
صورة ف البوم الصور بقيتى واحدة منهم
منرش انى وهبتك كل عمرى لكن لقيتك زيهم
بادلتك نفس الغدر وشربت نفس الكاس وسرقت حلمهم
وجاية تقوليلى بعشقك ...........طب بعد اية
ده انا جفانى النوم سنين كتير وايام
عشت بامل كداب وضحكت على روحى
كنت عارف هترجعيلى مهما قولتى كلام
وحلفت ما اسمعلك لو حتى كلمة بيها تبوحى
وجاية تقوليلى بعشقك
التعليقات