اضحك وانا بجلس هناك اتأملك
وخل المشاعر بين نفسي وبيني
ايه ابتسم ما عاش منهو يزعلك
مع كل ضحكة منك تضحك سنيني
بسمتك تشرح خاطر اللي يقابلك
واذا زعلت تضيق الانفااس فيني
سبحانه اللي في عيوني مجملك
يالأول الاخر بعد والديني
اعشق حضورك وافقدك واتخيلك
دايم معي جالس وماسك يديني
واحب صوتك كل ما جيت اسألك
عن الشعور اللي معك يعتريني
نصفك يكملني ونصفي يكملك
وقلبي يبي قلبك وقلبك يبيني
جعل الرياح اللي خذتني لساحلك
تاخذ مجاديفي ولا تحتريني
التعليقات