دخيل الله لا تسأل عيوني ليش سهرانه
عـيون العشق لو نامت عـيون الشوق مفتوحه
أداري ما خفى قلبي وروح الـروح ولهانه
ولا أقـدر أداري لهفتي والعـين مفضوحه
دخيل الله لا تسأل عيوني ليش سهرانه
عـيون العشق لو نامت عـيون الشوق مفتوحه
أداري ما خفى قلبي وروح الـروح ولهانه
ولا أقـدر أداري لهفتي والعـين مفضوحه
لـ قلبي سر وعـيوني تبوح بكل وجدانه
وتفضح لك فـرح نبضه مثل ما تفضح جروحه
أحـبك يا ضيا عمري وأزهــاره وألوانه
رسمتك عشق لا يوصف وصرت لعالمي لوحه
دخيل الله لا تسأل عيوني ليش سهرانه
عـيون العشق لو نامت عـيون الشوق مفتوحه
أحبك كثر ما جاد السحـاب و َهـل هتانه
واحبك كثر ما باح الشعــر واستعـذبك بوحه
يا أوفى الناس واغلى ما وهبني الرب سبحانه
دعـيت الله وأبواب السما بالخــير مفتوحه
يا قلب الخود واحساسه يا حب احيا على شانه
يا نبض الحب وشعوره ويا قلبه ويا روحه
عـيونك وجهتي والقلب يلقى فـيك عنوانه
ولك في خافقي قصر الغرام ا ْمعلّي صروحه
دخيل الله لا تسأل عيوني ليش سهرانه
عـيون العشق لو نامت عـيون الشوق مفتوحه
أداري ما خفى قلبي وروح الـروح ولهانه
ولا أقـدر أداري لهفتي والعـين مفضوحه
التعليقات