كلمات اغنية امين خطاب – قطر المجال داخل

من يوم ظهور أم الداتا والشغلة وسعت بزيادة

ده أنا كل لما أفتح حالة بيحسسوني إني في جاتا

إجهز وآمن المداخل عشان قطر المجال داخل

خطر الموت، إرجع يا حمادة، ممنوع تقرب وتحاول

قلبك يجيبك تتشاقى هتشيلها أوبح يا كفاءة

تشغيل دماغك مش هياكل، ما تجيش معاك شغل حداقة

الفاتحة على روح اللي باعوني، أنا أي خاين خدت عزاه

ده أنا كنت بين كوكب صهيوني مع خلق أوسخ خلق الله

يا اللي إنتوا بالشقلوب شوفتوني جحدانكوا فيا أنا مش بنساه

وحسابكوا جاي وهتقابلوني وأوعدكوا إن أنا هستقوى

عم البطل وحياة ماما ما تسوحكش البرشامة

تعوجلي بقك تتروق ترويق سوبر لوكس فخامة

أنا مش بتاع قولنا وقالوا، أنا أحب أنفذ يا أبو خالو

لو حد قدامي يعيشها سكينتي ملو أرشقهاله

يا اللي إنتوا أهلي وناسي راشقين عينيكوا في دنيتي ليه

ليه القر بقى في روتينكوا أساسي، فاكرني وارث ولا إبن بيه

من اللية هعاملكم ملياسي يا اللي إنتوا مبدأكم الجنيه

سامحوني لما أتحول قاسي وما تسألوش بقيت كده ليه

أنا أي أرض أنزل فيها خاطف النظر من اللي عليها

على وضعي طول عمري أنا يابا وأي شغلانة أقضيها

ممنوع تفخمها قصادي، ما باكلش أنا من الشغلة دي

لو قد حاجة يابا إعملها، يا إبني إنت من جواك فاضي

لما كله عاملي فتوة، أمال هنضرب بس في مين

رزمن شوية بقى إنت وهو ولا إنتوا بقى كلكوا تنانين

خفوا حرق يا عم شوية، غليتوا أسعار البنزين

الحوار لو على مرازية أوعدكوا إنتوا تشيلوا الجيم

من يوم ظهور أم الداتا والشغلة وسعت بزيادة

ده أنا كل لما أفتح حالة بيحسسوني إني في جاتا

حطيت عليهم في الواقع عملولي بان على المواقع

ما تخفوا حرق يا رجالة، أبطال منين ده إنتوا ضفادع

كل اللي دلوقتي مكبرها كان حلمه بس أعمله أنا شير

دلوقتي جاي وبيفخمها وعاملي فيها الكينج منير

ملعون أبو الشغلة هبطلها، ما بقيتش أشوف ذرة تقدير

الناس دي ما أعرفش اللي جرالها، مبقاش في حد في قلبه الخير

جاي في مشاكل بخيالك، إستحمل اللي هيجرالك

هتعيش في دور عم الجامد صدقني مش حلو عشانك

يابا عادي حقك كمواطن تلعب قصادي أنا وتماطل

بس إعرف إن أنا ما بحلش وباخد عاطل يابا في باطل

إمسك لسانك حبة يا أخينا شكل الكلام بيقع منك

قبل أما تيجي وتخبط فينا إسأل يابا اللي لعب قبلك

من غير سلاح من غير سكينة بإيدينا هنقبل ونلاعبك

يا إبني إنت قبل ما تيجي تعادينا ودع صحابك وحبايبك