مساحة إعلانية
اول حاجه احب اشرح معنى كلمة افتكاسه
متقلقوش يا جماعه ملهاش دعوه بالسياسه
افتكاسه يعنى لما تعمل فكره فى الخباثه
ويمكن انا مش فاهم ايه معناها اساسا
رايح فين وانت مالك
راح فين وانتى مالك
النهارده ماتش الاهلى والزمالك
وانا قاعد فى المقصوره جنبى ناس مشهوره
وجبت معايا كاميرا عشان اخد معاهم صوره
ابويا واخويا وبقية العيله
عايزنى اتفرج معاهم على ماتش الليله
قلت لازم افتكس افتكاسه يعنى حيله
قلتلهم واحد صحبى اتعور طلعتله بقليله
المهم الماتش ابتدى وانا قاعد فى المدرج
لقيت عمرو دياب قاعد جنبى . بتهرج
الكاميرا فضلت ثابته علينا مش بتتحرك
وطبعا ابويا قاعد فى البيت بيتفرج
على طول روحت البيت ابويا قاللى شرفتنا
وعشان هربت مننا مانتش بايت هنا
قفل الباب فى وشى فتحوا جيرانا اللى جنبنا
قالولى يا حبيبى يابنى تعالى بات عندنا
اهلى قالولى روح بدرى
احسن ليلتك مش هتعدى
حوراتى فاشله غصب عنى
كل اما اجى افتكس افتكاسه تفكس منى
اهلى قالولى روح بدرى
احسن ليلتك مش هتعدى
حوراتى فاشله غصب عنى
كل اما اجى افتكس افتكاسه تفكس منى
مش عايز ابقى روش ولا عاوز العب تنس
انا بس نفسى احور من غير ماتقفش
مشكلتى مش فى اهلى دى فى اخويا الحمش
كل اما اجى افتكس افتكاسه تتهرش تتقفش
والمصيبه انى بروح كل يوم فى المعاد
نفسى مره اسهر بره والليله دى بالذات
اخويا قالى روح بدرى عشان عندك امتحانات
وهوه بيقضيها مع صحابوا بالساعات يلعبوا استميشن
والنهارده محمود عامل دورة بلاى ستيشن
نفضت لاخويا ورحت رايح لمحمود
ابوه قالى دا بايت بره ومطرود
نزلت خدت تاكسى قعد يفسحنى ويأخرنى
واما طلعت بيتنا اخويا شافنى وقالى ما بدرى
قالي هخلى ماما تحبسك فى البيت اسبوع
اديته ورقه بميه راح مقفل على الموضوع
اهلى قالولى روح بدرى
احسن ليلتك مش هتعدى
حوراتى فاشله غصب عنى
كل اما اجى افتكس افتكاسه تفكس منى
اهلى قالولى روح بدرى
احسن ليلتك مش هتعدى
حوراتى فاشله غصب عنى
كل اما اجى افتكس افتكاسه تفكس منى
بمناسبة تخرجى السنادى
اصحابى علمولى حفله فى فلله فى المعادى
قايل لاهلى فى اسكندريه عادى
راحوا كلمونى فكرونى بمعادى
ابويا قالى ارجع بدرى يابنى
ياما مش هتدخل البيت ده تانى
وهوه لسه قافش منى من ساعة ما ابتديت اعمل اغانى
اخدت الكلام ده زى البوكس فى سنانى
اتخنقت وخدت بعضى ورحت قايم
ركبت عربيتى اللى على طول بتعانى
الكوتش ضرب والاستبن نايم
الازاز مكسور والكاسيت مسروق
رحت القسم عملت محضر
روحت البيت فى المعاد مظبوط
لقيت ابويا نايم بيشخر
اهلى قالولى روح بدرى
احسن ليلتك مش هتعدى
حوراتى فاشله غصب عنى
اهلى قالولى روح بدرى
احسن ليلتك مش هتعدى
حوراتى فاشله غصب عنى
كل ماجى افتكس افتكاسه تفكس منى الاغنيه
اهلى قالولى روح بدرى
احسن ليلتك مش هتعدى
حوراتى فاشله غصب عنى
كل ماجى افتكس افتكاسه تفكس منى الاغنيه
التعليقات