الطشة عالمايك من تانى اجدعان
فينك فينك فينك يا جيل التسعينات
مهما نعيش و نشوف ميجيش زى الى فات
فين ايام الياهو فين الرومات
نعمل روم تعارف جاد
زمن الشقط مواهب مش اجتهاد
نعد نلعب صناديق بيرة نشلح فى البنات
يا يمين يا شمال
يا ناجى يا نجات مفيش خواجات ولا كلبوبات
مكنش فيه تيك توك يلمع فى العاهات
يوم الوقفة نقضو حتة تكفى بلد حتة بخمسين
لا مش طالع انادى عليك نزلى السبت
معايا الوكمان و الميناتيل امشى و اتفرد
يا بتوع الفيلر روبى بالعجلة عملت جلب
روبى بالعجلة عملت جلب
ايام البركة ياه
تمن السجارة المارليبورو كان تمن العلبة
ولا متبمبكش اديك بالخرزة اديك بالنبلة
لو الايام ترجع كام سنة نرجع لزمان زمن الروشنة
لو الايام ترجع كام سنة نرجع لزمان زمن الروشنة
شباب الازرق و الزدين مستجدين
كان الى معاه مقطع بلوتوث ده من السافلين
فى السايبر اعدين فاتحين ٨٩ فيفا ٩٨ متفهمنيش غلط
العب بسلبس ابيض العب حافى فى الظبط
نعمل عرضة بالظلط و الجون مشترك
نلعب بالكورة الكڤر
صاحب الكورة تخين و عايز يضرب
يا روشيين يا بتوع بابج فاتكو كتير فى سيلك رود
لو صاحين نعمل بارتى لو نايمين هنشغل بوت
لو نفسك تبقى شاب فانكى زى نجوم الهوليوود
يبقى هتعمل قصة سبايكى مع تسقيطة البنطلون
زى السلطان طبيب جراح قلوب الناس اداويها
على الحجار بهاء سلطان شرايطو فين الاقيها
هفضل افتكر اقول ياريت ما بقينا كبار
بنك الحظ و اليابانية ده كانو حوار
ولا فى رمضان على الفطار افتح بكار
ذكراياتنا دى تتحكى فى الف بار
لو الايام ترجع كام سنة نرجع لزمان زمن الروشنة
لو الايام ترجع كام سنة نرجع لزمان زمن الروشنة
التعليقات