مش دايماً طالعة الشمس عادي تغيّم
بكره النور هيرجع مهما كان الليل مخيّم
ما الدنيا حبة وحبة حتى لما كفة تميّل
فا مهما كت ايه حالتك الأكيد هتدوم قليّل
فا بحمدالله
على كل حال أنا بحمد الله
على كل حال أنا بحمد الله
بحمد الله.. بحمدالله
على كل حال أنا
عشت ساخط
فترة كبيرة كت كل اما تحصلي حاجة أزيد فيها
كان كل اللي يشوفني يديني برشامة الحمد ويقولي هتحس بسكينة
لكني مكونتش مقتنع بكل الكلام ده رغم إني مؤمن الحقيقة
دماغي كت شايفة متفوفلي ف كوباية المياة اللي المفروض أنا هبلعها بيها
فا كنت أنا ناقم بشدة على كل اللي عايشه مش عارف ليه بيجرا
مش شايف الحكمة لا سالكة لا ف حب ولا شغل ولا ضربت ف السكة
مش فاهم الفكرة مش باذل أنا طاقة ومجهود والمفروض يبقى رادد ف حتة؟ يا رب طب امتى؟ مش بلقى إجابة فا أصدق دماغي وإني مخلوق كمالة ليس إلا فباخد جنب
و أكسل أبذل أي مجهود ف حاجة ماهو الناتج بالسلب
وأنا اللي روحت برجليا مش غصب بس لازم تعرف إن مكنش ده القصد
ما الواحد مش ضامن الأخرة فا بيسعى ويتمنى إنه يحقق الجنة ع الأرض
فتلاقي إن الدنيا بتلعبها بطريقة تجعلنا نسدد من أعمارنا دي قرض وده كله بس لأجل نكمل ركض
جاي الدنيا دي صد رد
عندك وقت تزرع عندك وقت تزرع
عندك وقت تزرع ومفيش لحصد
يحطو الفاس ع الجتة والإتنين ف طرد
مبعوت ف حتة مفيش فيها نبض
هنا الدنيا مسرح ناس تسيب مكانها
وناس تيجي بدالها وهو هو العرض
مش دايماً طالعة الشمس عادي تغيم
وبكره النور هيرجع مهما كان الليل مخيم
ما الدنيا حبة وحبة حتى لما كفة تميل
فا مهما كت ايه حالتك الأكيد هتدوم قليل
فا بحمدالله
على كل حال أنا بحمد الله
والوقت أما عدى
فهمت ليه كان إتلغالي المعاد ده
لو حد كان قالي ف طريق المقابلة هتحصل فيه حادثة مكونتش هصدق
قعدت لعنت.. ظروفي المعاندة والدنيا اللي سدة ودانها كلما أنده
وشوفت الخبر وأنا مرمي ع القهوة
ده القطر اللي كت هبقى فيه انهارده
فا عرفت إن.. تدبيرها من عندك
دموع ع المخدة وبناجي ف المولى
تكرمني من فضلك ف الدنيا أنا بشقى
صباحو يا ورشة مساءو يا فرشة
وكل حيلتي.. دعا وصبر
وحلم يطاردني وأنا رجلي والقبر
بستيدج حفلة ناس تصقف واقفة
بس بصحى وألقى دي نومة العصر، فاهم؟
مكونتش مستني ده كله يجرا
نفسي مش زي ما بنّام بنصحى
ربك أكيد في حاجات شايلها
ودي مهما هتحسبها هتجهل توقيتها
فاديني منتظر منتظم
مهما جرى فانا المنتصر معتصم
بحبال أمل لا أبقى منحصر ف Puzzle
بمشي السكة حتى إن جت فرصة إني أختصر
ويقيني مقتصر لو مهما ملتصق
الحال ده بيا مش هيفضل متصل
مش طوبة ف المياة طوربيد هينطلق
ف وقت معين أما يشاء المقتدر
فا بدعي ربي وبزن.. غير الحال ده
عرفني ايه بس المجهول ف المعادلة
حلولي أنا بخ.. حلها من عندك
التعليقات