حبيبي يسعد أوقاته ع الجمال سلطان
فى نظرته وابتساماته فرحة فرحتك يا زمان
ولما يخطر بقوامه ترقص الأغصان
ولما ينعم بكلامه تعزف الألحان
احلف بحبه وغرامه اصدق الأيمان
عمر الخيال ما يجبش مثال
لجمال وكمال زي حبيبي
جعلت فى القلب مكانه بس لو يكفيه
يسمع ضروبه وألحانه والمخبي فيه
فى القلب ياما حـ يلاقي كل ما يرضيه
ويشوف ولوعي وأشواقي والمخبي فيه
وابلغ وانول كل المأمول
دايما على طول وأنت حبيبي
حبيبي حبيبي
زي القمر قبل ظهوره يحسبوا المواعيد
زي القمر يبعت نوره من بعيد لبعيد
زي القمر بس جماله كل يوم يزداد
وكل ما يهل هلاله تنعاد الأعياد
والليلة عيد ع الدنيا سعيد
والليله عيد ع الدنيا سعيد
عز وتمجيد وانت حبيبي
التعليقات