ياحبنا الكبير
يا حبنا الكبير الاول والأخير
يا ضاممنا تحت ظلك وفي خيرك الكتير
ياحبيب كل الحبايب اللى حاضر واللي غايب
ملايين لكن فى حبك كلنا اهل وقرايب
تجمعنا كلمتك تدفعنا ثورتك والفرحة فرحتك والنصرة نصرتك
وفي أعيادك نهني ونغني غنوتك
وتعيش وتسلم يا وطني
ياحب فاق كل الحدود يا أغلى عندي م الوجود
انت نشيدي للفدا وللبطوله والخلود
افديك بروحي وبكل غالي ويعلا اسمك مدى الليالي
واصافي اللى يصافيك واجافي اللى يجافيك
وفي كل يوم من عمري بيزدني حب فيك
تعيش وتسلم يا وطني
جمايلك علينا شايلنها فى عنينا
نوفي وانت توفي اكثر ما وافينا
ده احنا فوق ضفافك عشنا وارتوينا
وفي شمسك زرعنا وفي ظلك جنينا
تعيش وتسلم يا وطني
جهادنا فى سبيل مجدك صلاه وحبك طاعة يرضاها الإله
والاستشهاد على ارضك حياه
ياحبنا الكبير الاول والأخير
تعيش ونفرح بعيدك ولا تنتهى المواعيد تملى سمانا فرح وأرضنا أناشيد
وبكل نبضة أمل نملا القلوب تغريد
وبكل دقة عمل توهبنا عمر جديد
اعلا بهمة رجالك واكتب صحايف نضالك
وابلغ بشعبك آمالك وبثورتك وبجمالك
تعيش وتسلم يا وطني
التعليقات