مساحة إعلانية
بصارع سوادي بالليل وبقلب وشي بالصبح
شاطر بالخساره وماعمري دقت الربح
بقاتل المرايا الي بتعكس ملامحي مسح
وبسمع صدى صوتا يالي بيفتق الجرح
خلص توبه ، وكالعاده بلاقيني بقلك كيفك
خلص توبه ، وكالعاده بقابل بالغرفه طيفك
خلص توبه ، م بدي برد ومطر وين صيفك
خلص توبه ، ألف لعنه بتلاحقني جوا غيمك
كل م اسال حالي وين طريقي متجه؟
بلاقي الف سد وبرجع خطوه بنجبر
بلاقي المرايا ياللي بتعكس بوجهي قبح
هل وصل مدى سوئي بالف جوره مندثر
وليش حتا اتحمل ليش على كلشي مجبور
و بحمل خطايا نفسي متناسي حزن مدفون
وبتجاهل كل الخلق مستني قلب مكسور
حتا مسارو يتجه ونكسر حاجز وقيود
لكن بشوف سواد بداخلو تعدا سوادي
كيف كان قادر يهمل مع انو ملك فؤادي
و ضلو تفكيرو بوادي وضلو تفكيري بوادي
وانا بتراجع حتى ينثر بالبحر رمادي
م بندم ع كلشي ملون كيف انقلب باهت
ولا صور بجدراني ولا ع اللهفه الي ماتت
ولا موعد فاتك ولا بندم ع رفاتك
ولا بندم ع المواقف هدمت وائل بحياتك
وان كان فيكي تغيبي انا م فيي غيب
براقب كل خطواتك ولا بقدر كون بعيد
كل مره بكابر و عقلي رافض تفكيري
وكل مره بعد غيبه بستنا لقاء جديد
وانا متلك ي امي فينا طبع منحب العناء
منصارع ل لقاء هي غريزه بقاء
لسا بدنا بكرا رح نضل تايهين بماضي
بدنا الجنه كلنا لكن مابدنا الفناء
رح ضلني ناطر لقاء وما رح اعتبرا النهاي
اعزمك ع كاسه مته وتصبيلي كاسه شاي
بيني وبينك الف وتر بيني وبينك غيمه ومطر
بيني وبينك الف سهر بيني وبينك اغاني وسفر
بيني وبينك الف كلمه وبيني وبينك وعبر
بيني وبينك سما والمسافه اكبر من بحر
م كنت بهالضعف قبل حتا تزحزح ثباتي
كلشي فيني تغير بهرب من شتاتي ل شتاتي
بحرق كل الصور وبدفنا بذكرياتي
ولسا مستني ساعة يعلن نبأ مماتي
م بعمري كنت نادم ع العمر المعك مرق
ولا بيوم نسيت كلشي بينا بلحظه انسرق
ولا ع غيابك بالورق ولا الحبر الي حترق
ولا ع الصوت الي برق ولا الدمع الي سبق
لكن هي كل حدودي يمكن م تتخطيا
ياما حاولت وضح والنتيجه كنتي تنهيا
كنت الك كل الإثم وكنتِ إنتِ التوبه
م سمعتي مطالبي مره ليش م بدك هروبي
توبه سمعك اسمي توبه تمشي بدروبي
توبه تشوفي سوادي توبه تغيريلي عيوبي
توبه شوفك بطرق وقابل خيالك ع قمر
توبه قلك غنيلي حتا م عيش بسهر
توبه عن الف عتمه توبه عن الف ليله
توبه اطلب رحمه لاني كفرت باخر توبه
التعليقات