عادي مبتسم
كل عام وانا بخير
شايفني صرت كبير
وهمي اكبر بكتير
شايفني مكاني بتلاشا
شايفني عم غيب
شايف حالتي بسوادا
وشايف كيفني بعيد
شايف كلشي فيني تغير
شايفني عم ميل
ضايع بانفصامي
وبراقب تفاصيل
القبله م جمعتنا
مسافتنا الف ميل
م عدت اوثق ببشر
كلو عم صار عميل
خليني بيني وبين حالي ضايع بسوادي
وخليني بالوحده وخليكن ضايعين ببالي
خلي المسافه تكبر اكبر م عادت رح تفرق
وخلي كرهي يكبر اكتر م عدت رح بالي
والقوه الي م بتضعف م بتقوي اكتر
شكرا لضعفي
والحزن الي م بيدوم مانو حزن
شكرا لحزني
والخوف ورجفه صوت مستني بكرا الموت
والقلب الي م عاد ينبض غير حقد شكرا لحقدي
حاولنا كتير بس بائت بالفشل
كتبنا قصص بس انختمت بالدجل
عشنا بقرف هبل حاولنا نسيطر كافئنا الفشل
فتح عيونك العالم بدا تعيشك بكسل
وانا مليت الغزل
بحاول اسس وجودي الي نعدم وانقتل
هون وائل لما يفشل يشيلك الزمن
هون وائل لما ينشف من جسمك المطر
ضايع بين سواد وليل عم اكتم بـ لف
ناسي حالي بين الغيم بنساهن ع الرف
عم صارع وجدان و ويل والغلطه بـ الف
مستني شوف النور الي جواتو بدون الكف
كلشي فيني متراخي بسواد افكار
والخلايا تالفه مضيع الاحبار
والقلب مع العقل محتار
مين كاتب الاسفار وهل فعلا
كلنا رح نفترق بنهار
بيني وبينك مكاتيب وانت صاحب قلم ( ألم )
بيني وبينك اكاذيب وماني حاسس بندم
بيني وبينك ترانيم و مابتسمعلي نغم
وكوني كل يوم بدفن شعوري وبختفي بعدم
وهي العاده انفصام باللاوقت
ناسي حالي بالصمت تعبت من الكبت
وغرقت بعتمه ماضي بالوقت الي م شفت
كل حيطاني كيف سودت من كتر المقت
التعليقات